Athiya Shetty -KL Rahul: మా ప్రయాణానికి మీ ఆశీర్వాదాలు కావాలి… వైరల్ అవుతున్న అతియా రాహుల్ వెడ్డింగ్ ఫొటోస్!

Athiya Shetty -KL Rahul: బాలీవుడ్ సీనియర్ నటుడు సునీల్ శెట్టి కుమార్తె అతియా శెట్టి కొత్త జీవితంలోకి అడుగు పెట్టారు. ఈమె గత కొంతకాలంగా క్రికెటర్ కేఎల్ రాహుల్ ప్రేమలో విహరిస్తూ ఉన్నారు. ఇలా కొంతకాలంగా ప్రేమలో ఉన్నటువంటి ఈ జంట జనవరి 23వ తేదీ ముంబైలోని సునీల్ శెట్టి ఖండాలా ఫామ్ హౌస్ లో ఎంతో అంగరంగ వైభవంగా వీరి వివాహాన్ని జరుపుకున్నారు.

అతియా శెట్టి, రాహుల్ కుటుంబ సభ్యులు అత్యంత సన్నిహితుల సమక్షంలో వీరి వివాహాన్ని ఎంతో అంగరంగ వైభవంగా జరుపుకున్నారు. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ గా మారాయి. ఇలా పెళ్లి తర్వాత అతియాశెట్టి తన పెళ్లి ఫోటోలను సోషల్ మీడియాలో షేర్ చేస్తూ ఆసక్తికరమైన విషయాలను తెలియచేశారు.

ఈ సందర్భంగా అతీయా స్పందిస్తూ జీవితంలో ఎలా ప్రేమించాలో నేర్చుకుంటాను.. మా జీవితంలో ఈ రోజు ఎంతో విలువైనది. సన్నిహితులు కుటుంబ సభ్యుల సమక్షంలో మేమిద్దరం ఒక్కటయం. ఈరోజు మా జీవితంలో మర్చిపోలేనిది. మా ఈ ప్రయాణంలో మీ ఆశీర్వాదాలు మీ కృతజ్ఞత ప్రేమ మాకు తోడు కావాలని కోరుకుంటున్న అంటూ ఈమె తన పెళ్లి ఫోటోలను షేర్ చేశారు.

 

Athiya Shetty -KL Rahul: శుభాకాంక్షలు తెలుపుతున్న బాలీవుడ్, క్రికెట్ సెలబ్రిటీలు

ఇలా అతియా పెళ్లి తర్వాత మొదటిసారి వీరు పెళ్లి ఫోటోలను షేర్ చేస్తూ ఈ పోస్ట్ చేయడంతో ఇది కాస్త సోషల్ మీడియాలో వైరల్ గా మారింది. ఇక ఈ పోస్ట్ చూసినటువంటి పలువురు బాలీవుడ్ సెలబ్రిటీలు అలాగే క్రికెట్ సెలబ్రిటీలు ఈ దంపతులకు శుభాకాంక్షలు తెలియజేస్తున్నారు. ప్రస్తుతం ఈమె పెళ్లికి సంబంధించిన ఫోటోలు వైరల్ గా మారాయి.