Balakrishna : చిరు ఇంట బాలయ్య సినిమా.. అదికూడా బ్లాక్ బస్టర్ హిట్..!

Balakrishna : సీనియర్ హీరోల్లో చిరంజీవి, బాలకృష్ణ , నాగార్జున, వెంకటేష్ ఈ నలుగురు టాప్ హీరోస్ గా నాలుగు దశబ్దాలుగా ఉన్నారు. ఇక చిరంజీవి, బాలకృష్ణ ల మధ్య సినిమా పోరు మాత్రం చాలా రసవత్తరంగా ఉండేది. అన్నయ్య – వంశోద్ధార‌కుడు, స‌మ‌ర‌ సింహా రెడ్డి – స్నేహం కోసం, న‌ర‌సింహా నాయుడు – మృగ‌రాజు ఇక ఇటీవల ఖైదీ నెంబర్ 150 – గౌతమీ పుత్ర శాతకర్ణి వంటి చిత్రాలు బాక్స్ ఆఫీస్ వద్ద పోటీ పడి హీట్ పెంచాయి. ఇక హీరోలు ఇలా ఉన్నా అభిమానుల మధ్య మాత్రం పోటీ బాగా ఉండేది.

చిరు ఇంట బాలయ్యబాబు సినిమా షూటింగ్…..

ఇక అలాంటి హీరోల మధ్య ఒక ఆసక్తికర సంఘటన జరిగింది. చాలా మందికి తెలియని ఈ విషయం ఏంటంటే చిరంజీవి కి సంబంధించిన ఇంట్లో బాలకృష్ణ సినిమా షూటింగ్ జరుపుకుంది ఇక ఆ సినిమా కూడా పెద్ద హిట్ సినిమా. మరి ఆ సినిమా ఏంటో తెలుసా బాలకృష్ణ, శోభన, నిరోషా కలిసి నటించిన నారి నారి నడుమ మురారి సినిమా. ఒక్క ఫైట్ లేకుండా హిట్ అయిన బాలకృష్ణ సినిమాగా నిలిచిన ఈ సినిమా కొంత భాగం షూటింగ్ త‌మిళ‌నాడులోని వేలచ్చేరి ప్రాంతంలో, చిరంజీవికి ఉన్న అతిధి గృహంలో కొంత భాగం సినిమా షూట్ చేశారు.

ఇక ఈ ఇంటి పేరు హ‌నీ హౌస్‌, దానిప‌క్క‌నే 2 ఎక‌రాల భూమి కూడా చిరంజీవికి ఉంది. ఈ సినిమాలో హీరో బాల‌య్య పాత్ర పూరి గుడిసె కూడా చిరంజీవికి చెందిన స్థ‌లంలోనే నిర్మించారు. కొన్ని సన్నివేశాలకోసం కూడా హ‌నీ హౌస్ లో షూట్ చేశారు. ఈ సినిమా 1990 లో వచ్చి సూపర్ హిట్ గా నిలిచింది. ఇక ఈ సినిమాలో మరో విశేషం సినిమా చివరి సీన్స్ లో దాదాపు 20 నిముషాలు హీరో పాత్ర కనిపించదు. ఇక ఈ సినిమాకు దర్శకత్వం కోదండ రామిరెడ్డి గారు నిర్వహించారు. కోదండ రామి రెడ్డి, చిరు కాంబినేషన్ హిట్ కాంబినేషన్ 23 సినిమాలు వారి కాంబినేషన్ లో వచ్చాయి. ఆ చనువుతోనే బాలకృష్ణ సినిమా కోసం చిరంజీవి గెస్ట్ హౌస్ ను షూటింగ్ కోసం వాడారట.