బ్రేకింగ్: ప్రమాదానికి గురైన బాలకృష్ణ… అయినా లెక్కచేయకుండా..

తెలుగు సినిమా ఇండస్ట్రీ లో సీనియర్ హీరోగా ఎంతో మంచి గుర్తింపు సంపాదించుకున్న నందమూరి నటసింహం బాలకృష్ణ తాజాగా షూటింగులో ప్రమాదానికి గురైనట్లు తెలుస్తోంది.ప్రస్తుతం బాలకృష్ణ బోయపాటి శ్రీను దర్శకత్వంలో ఓ సినిమాలో నటిస్తున్న సంగతి మనకు తెలిసిందే.ఈ సినిమా షూటింగ్ పూర్తి చేసుకుని పోస్ట్ ప్రొడక్షన్ పనులను జరుపుకుంటోంది.ఈ క్రమంలోనే బాలక్రిష్ణ తర్వాత సినిమాని గోపీచంద్ మలినేని దర్శకత్వంలో చేయబోతున్నారు.

ఈ గ్యాప్ లోనే బాలయ్య బాబు ఇదివరకు ఎప్పుడూ లేని విధంగా ఓటీటీ లో ఆహా యాప్ ద్వారా ఒక టాక్ షో చేయబోతున్నారు.ఈ క్రమంలోనే ఈ కార్యక్రమానికి సంబంధించిన షూటింగ్ జరుపుతున్న సమయంలో బాలయ్య బాబుకు స్వల్ప ప్రమాదం చోటు చేసుకుందని తెలుస్తుంది.ఈ ప్రమాదంలో బాలక్రిష్ణ కాలికి గాయం అయినప్పటికీ ఏమాత్రం లెక్కచేయకుండా షూటింగ్ వాయిదా వేయకుండా షూటింగ్లో పాల్గొన్నారు.

మొదట బాలకృష్ణ ప్రమాదానికి గురయ్యారన్న వార్త తెలియడంతో ఆందోళన చెందిన అభిమానులు ఆయన తిరిగి షూటింగ్ లో పాల్గొన్నారని తెలియగానే అతనికి పెద్ద ప్రమాదం జరిగి ఉండకపోవచ్చుని ఊపిరి పీల్చుకున్నారు. అయితే ఈ మధ్యకాలంలో తెలుగు సినిమా హీరోలు వరుసగా ప్రమాదాలకు గురవడంతో అభిమానులను తీవ్ర ఆందోళనకు గురి చేస్తోంది.

గతనెల సాయి ధరమ్ తేజ్ రోడ్డు ప్రమాదానికి గురై ఇప్పటివరకు ఆసుపత్రిలోనే ఉన్నారు. ఇకపోతే మహాసముద్రం సినిమా షూటింగ్ సమయంలో ప్రమాదానికి గురైన సిద్ధార్థ ఏకంగా స్పైనల్ సర్జరీ చేయించుకున్నారు. ఇక లింగుస్వామి దర్శకత్వంలో హీరో రామ్ సినిమా చేస్తున్న సంగతి మనకు తెలిసిందే. ఈ సినిమా షూటింగ్ సమయంలో భాగంగా రామ్ కూడా ప్రమాదానికి గురికావడంతో అభిమానులు ఆందోళనల చెందుతున్నారు.