NTR: థాంక్యూ తారక్ అన్నా… అన్న పై ప్రేమను కురిపించిన చెల్లి!

NTR: యంగ్ టైగర్ ఎన్టీఆర్ రాజకీయాలకు దూరంగా ఉంటూ సినిమాలపై ఫోకస్ పెట్టారు. ప్రస్తుతం ఈయన వరుస సినిమాలలో నటిస్తూ కెరియర్ పరంగా ఎంతో బిజీగా ఉన్నారు. ఇలా నటుడిగా ఇండస్ట్రీలో కొనసాగుతూ ఉన్నటువంటి ఎన్టీఆర్ రాజకీయాలలోకి రావాలని ఎంతోమంది అభిమానులు కోరుతున్నప్పటికీ రాజకీయ ఎంట్రీ పై ఎలాంటి అభిప్రాయాన్ని వెల్లడించలేదు.

ఇకపోతే తాజగా ఏపీ ఎన్నికలలో భాగంగా కూటమి అధికారంలోకి రావడంతో సినిమా సెలబ్రిటీలు మొత్తం సోషల్ మీడియా వేదికగా అభినందనలు తెలియజేశారు. ఈ క్రమంలోనే ఎన్టీఆర్ సైతం తన మామయ్య చంద్రబాబు నాయుడుతో పాటు తన అత్తయ్య పురందేశ్వరి అలాగే బాబాయ్ బాలకృష్ణ తో పాటు తన బావలు అయినటువంటి లోకేష్ అలాగే ఎంపీగా గెలిచిన భరత్ ని ట్యాగ్ చేస్తూ అభినందనలు తెలియజేసిన సంగతి తెలిసిందే.

ఇలా ఎన్టీఆర్ అభినందనలు తెలుపుతూ పోస్ట్ చేయడంతో చంద్రబాబు నాయుడు సైతం స్పందించి థాంక్యూ సో మచ్ అంటూ రిప్లై ఇచ్చారు. ఈ క్రమంలోనే ఎంపీ భరత్ భార్య బాలయ్య చిన్న కుమార్తె తేజస్విని సైతం సోషల్ మీడియా వేదికగా స్పందిస్తూ తన అన్నయ్యకు రిప్లై ఇచ్చారు.

రాష్ట్రాన్ని మళ్లీ గాడిలో పెడతాం…
ఈ సందర్భంగా తేజస్విని రిప్లై ఇస్తూ..థాంక్యూ తారక్ అన్న, రాష్ట్రాన్ని మళ్లీ గాడిలో పెట్టేందుకు మేమంతా కృత నిశ్చయంతో ఉన్నాం. దేవర సినిమాతో మీకు మంచి విజయం వస్తుందని కోరుకుంటున్నాను అని తెలిపారు. అయితే ఈ ట్వీట్ భరత్ సోషల్ మీడియా ఖాతా నుంచి వచ్చింది. ఆయన పోస్ట్ చేసి ఉంటే బావ అని పిలిచేవారు అలా కాకుండా అన్నయ్య అని పిలవడంతో తప్పకుండా తేజస్విని చేసి ఉంటారని తెలుస్తుంది.ఈ అన్నాచెల్లెల అనుబంధానికి అభిమానులు ఫీదా అవుతున్నారు