Beast vs Kgf : కేజీఎఫ్ సినిమా ప్రపంచవ్యాప్తంగా విడుదలై సినిమాకు హిట్ టాక్ సొంతం చేసుకుని దూసుకుపోతోంది. బాషా, ప్రాంతీయ బేధాలు లేకుండా అన్ని చోట్ల సినిమా దూసుకుపోతోంది. తెలుగులో డబ్బింగ్ సినిమాల రికార్డులను బద్ధలు కొడుతూ కొత్త రికార్డులను సృష్టిస్తోంది. తెలుగునాట యష్ కీ ఫ్యాన్ ఫాలోయింగ్ మాములుగా లేదు.
బీస్ట్ ను బీట్ చేసిన కేజీఎఫ్2……
కేజీఎఫ్ చాప్టర్ 2 కంటే ఒకరోజు ముందు విజయ్ నటించిన బీస్ట్ విడుదలయింది. బీస్ట్ సినిమా ముందు కేజీఎఫ్ నిలబడదని అభిమానులు అనుకున్నారు. ఇక కేజీ ఎఫ్ లాటరీ లాంటి సినిమా అంటూ కామెంట్స్ చేసారు. ఇక కేజీఎఫ్ కంటే ఎక్కువ బడ్జెట్ తో తెరకెక్కిన బీస్ట్ సినిమా బాక్స్ ఆఫీస్ ముందు బోల్తా కొట్టింది.బీస్ట్ మూవీ తమిళ్ లో 9 రోజులు పూర్తయ్యేసరికి రూ.61.17 కోట్లు కలెక్ట్ చేయగా కేజీఎఫ్ చాప్టర్ 2 మూవీ 8 రోజులకే అక్కడ రూ.64.04 కోట్లు కొల్లగొట్టింది. నిన్నటి రోజున అక్కడ బీస్ట్ మూవీ రూ.1.04 కోట్లను కలెక్ట్ చేయగా కేజీఎఫ్ చాప్టర్ 2 మూవీ రూ.4.20 కోట్లను కలెక్ట్ చేసింది.
2016 లో అచ్చం ఇలాంటి సీనే రిపీట్ అయింది. మహేష్ బాబు బ్రహ్మోత్సవం సినిమా విడుదలయి ప్లాప్ టాక్ తెచ్చుకుంది. ఇక అదే టైం లో కొంచెం ముందు విడుదలైన బిచ్చగాడు సినిమా సూపర్ హిట్ అయింది.60కోట్ల బడ్జెట్ సినిమా కోటి రూపాయల బడ్జెట్ మూవీ బీట్ చేసింది. ఇది అప్పట్లో సంచలనం.సీడెడ్ వంటి కొన్ని చోట్ల ‘బ్రహ్మోత్సవం’ మూవీ కంటే ఎక్కువ కలెక్ట్ చేసి ట్రేడ్ కు సైతం షాక్ ఇచ్చింది. అలా ఇపుడు కేజీఎఫ్ కూడా తమిళ నాట పెద్ద మార్కెట్ ఉన్న విజయ్ లాంటి హీరోతో తలపడి ఆ సినిమా కంటే ఎక్కువ వసూళ్లను రాబట్టుకుంది.
