Bhanu Priya: అరుదైన వ్యాధితో బాధపడుతున్న నటి భానుప్రియ… అసలు విషయం చెబుతూ ఎమోషనల్ అయిన నటి!

Bhanu Priya: వెండితెరపై నటిగా ఒకానొక సమయంలో ఓ వెలుగు వెలిగిన కలువ సుందరి భానుప్రియ గురించి ప్రత్యేకంగా పరిచయం అవసరం లేదు అద్భుతమైన నటనతో డాన్సులతో ఎంతోమందిని ఆకట్టుకున్నటువంటి నటి భానుప్రియ ఇండస్ట్రీలో ఉన్నటువంటి అగ్ర హీరోలు అందరి సరసన ఎంతో అద్భుతమైన సినిమాలలో నటించారు. తెలుగులో మాత్రమే కాకుండా ఈమె తమిళం కన్నడ భాషలలో కూడా స్టార్ హీరోలు అందరి సరసన నటించారు.

ఇలా హీరోయిన్ గా ఓ వెలుగు వెలిగిన భానుప్రియ అనంతరం తన సెకండ్ ఇన్నింగ్స్ లో కూడా పలువురు యంగ్ హీరో హీరోయిన్లకు తల్లిగా కూడా నటించారు. అయితే గత కొంతకాలంగా భానుప్రియ ఇండస్ట్రీకి దూరంగా ఉన్నారు. ఈ క్రమంలోనే తాజాగా ఒక యూట్యూబ్ ఛానల్ ఇంటర్వ్యూలో పాల్గొన్నటువంటి నటి భానుప్రియ తన గురించి మాట్లాడుతూ తను ఒక డిజాస్టర్ తో బాధపడుతున్నానని తెలిపారు.

2018లో తన భర్త ఆదర్శ కౌశల్ మరణించిన తర్వాత తన జ్ఞాపకశక్తి క్రమక్రమంగా తగ్గుతూ వచ్చిందని ఈమె ఆవేదన వ్యక్తం చేశారు. ఇలా తాను మెమొరీ లాస్ డిసీస్ తో బాధపడుతూ అన్ని మర్చిపోతున్నానని తెలియజేశారు. ఈ క్రమంలోనే డాన్సులో హస్తముద్రికలు మర్చిపోయానని అదేవిధంగా ఒక తమిళ సినిమా షూటింగ్ జరుగుతుండగా చెప్పాల్సిన డైలాగులు అన్నిటిని కూడా మర్చిపోయానని తెలిపారు.

Bhanu Priya: మెమొరీ లాస్ కారణంగా ఇండస్ట్రీకి దూరమయ్యా…

ఈ విధంగా తనకు ఏ విషయాలు గుర్తు లేవని ఈమె తెలియజేశారు. ప్రస్తుతం తాను ఈ వ్యాధికి మందులు వాడుతున్నానని అందుకే తాను ఇండస్ట్రీకి దూరంగా ఉన్నానని తెలిపారు.ఇలాంటి వ్యాధితో బాధపడుతున్న తాను ఒక డాన్స్ స్కూల్ పెట్టాలని నిర్ణయాన్ని కూడా విరమించుకున్నానని తెలిపారు.ఇక ప్రస్తుతం తన కుమార్తె లండన్ లో ఉందని తనకు నటనపై ఏమాత్రం ఆసక్తి లేదంటూ ఈ సందర్భంగా భానుప్రియ వెల్లడించారు.