Big Boss Baladithya : తెలుగులో చైల్డ్ ఆర్టిస్ట్ గా చాలా సినిమాల్లో నటించి మెప్పించిన బాలాదిత్య చైల్డ్ ఆర్టిస్ట్ గానే కాకుండా హీరోగాను ఎంట్రీ ఇచ్చాడు. ఇక హీరోగా పెద్దగా సక్సెస్ కాలేదు కానీ నటనకు మాత్రం మార్కులు పడ్డాయి. ఇక ‘1940 లో ఒక గ్రామం’ సినిమాకు నేషనల్ అవార్డ్ వచ్చింది. మొదటగా హీరోగా చేసిన ‘చంటిగాడు’ సినిమాకు నంది అవార్డు వచ్చింది. చైల్డ్ ఆర్టిస్ట్ గా అన్న, లిటిల్ సోల్జర్స్ సినిమాలకు కూడా నంది అవార్డులను అందుకున్నారు బాలాదిత్య. ఇక చాలా చిన్న వయసులోనే హీరోగా ఎంట్రీ ఇచ్చిన బాలాదిత్య ఆ తరువాత సినిమాలకు బ్రేక్ తీసుకున్నారు. ఇక సినిమాల్లో అంతగా సక్సెస్ కాలేక పోయిన బాలాదిత్య ఇపుడు బిగ్ బాస్ సీజన్ 6 లో అడుగుపెట్టి మరోసారి ప్రేక్షకులకు చేరువ అవ్వాలని అనుకుంటున్నారు.
నా భర్తను మోసం చేస్తున్నారు…
బిగ్ బాస్ లో వారాలు గడుస్తున్న కొద్ది ఒక్కొక్కరి నిజమైన రంగులు బయటపడుతున్నాయి. ఇక బాలాదిత్య ను సేఫ్ గేమ్ ఆడుతున్నాడు అంటూ కొంతమంది కామెంట్స్ చేస్తుంటే మరి కొంతంది సీతమ్మ వాకిట్లో సిరిమల్లె చెట్టు సినిమాలో ప్రకాష్ రాజ్ లా అతి మంచితనం ప్రదర్శిస్తున్నాడు అంటూ ట్రోల్ చేస్తున్నారు. అయితే బాలదిత్య మాత్రం అందరూ కంటెస్టంట్లతో మంచిగా ఉంటూ బిగ్ బాస్ లో ఏ వివాదాల జోలికి పోకుండా ఉన్నాడు.
ఇక ఆయన భార్య బాలాదిత్య ఆట మీద అలాగే మిగిలిన కంటెస్టెంట్ల గురించి తాజాగా ఒక ఇంటర్వ్యూలో స్పందించింది. బాలాదిత్య స్వాతహాగా సౌమ్యుడు అంటూ, బయట ఎలా ఉన్నాడో అలానే బిగ్ బాస్ హౌస్ లో ఉన్నాడంటూ చెప్పింది. ఆయన మంచితనాన్ని కొంతమంది మంది వాడుకుంటున్నారు. నమ్మిన వాళ్ళే గేమ్ లో వెన్నుపోటు పొడుస్తున్నారు అంటూ షాకింగ్ కామెంట్స్ చేసింది. ఇక తన భర్త టాప్ 5 కంటెండర్ గా ఉంటాడనే నమ్మకం ఉంది అంటూ చెప్పింది.
