Siri-Srihan: ఏవండోయ్.. ఇది విన్నారా..సిరి- శ్రీహాన్ కూడా విడిపోతున్నారట?

Siri-Srihan: బిగ్ బాస్ సీజన్ 5 ముగిసినా.. ఇంకా వార్తల్లోనే ఉంటోంది. ముఖ్యంగా షణ్ముఖ్ జశ్వంత్, సిరి, దీప్తిల చుట్టే వార్తలు తిరుగుతున్నాయి. బిగ్ బాస్ ఫైనల్ లో విన్నర్ గా నిలిచిన వీజే సన్నీ గురించి కూడా ఇంత చర్చ జరగడం లేదు.

గతంలో సిరి కారణంగా షన్నూ కప్ కోల్పోయాడని నెటిజన్లు తీవ్రంగానే స్పందించారు. ఇదిలా ఉంటే.. దీప్తి సునయన- షణ్ముఖ్ జశ్వంత్ లు విడిపోవడంపై నెటిజన్లు పలు రకాలుగా స్పందిస్తున్నారు. సిరి వల్లే షన్నూ మారిపోయాడని… ఐదేళ్లు రిలేషన్ షిప్ లో ఉన్న దీప్తి- షన్నూలు విడిపోయారని నెటిజెన్లు తెగ ట్రోలింగ్ చేస్తున్నారు.

బిగ్ బాస్ హౌజ్ లో సిరి- షన్నూల మధ్య రొమాన్స్ హద్దులు దాటిపోయింది. ముఖ్యంగా వీరిద్దరి మధ్య కెమిస్ట్రీ అందరిలోనూ అనుమానం కలిగించింది. కిస్సింగులు, హగ్గింగులతో హద్దులు దాటిపోయారు. ఒకానొక సందర్భంలో సిరి తల్లి కూడా ఈ వ్యవహారంపై ఫైర్ అయింది. ఇవన్నీ పరిణామాల మధ్య దీప్తి సునయన షన్నూకు బ్రేకప్ చెప్పేసింది. తన ఇన్ స్టా వేదికగా విడిపోతున్నట్లు ప్రకటించింది. 

త్వరలోనే సిరి- శ్రీహాన్ కూడా..

ఇదిలా ఉంటే తాజాగా సిరి- శ్రీహాన్ జంట కూడా త్వరలో విడిపోతున్నట్లు వార్తలు వస్తున్నాయి. బిగ్ బాస్ తర్వాత సిరి, శ్రీహాన్ ఇప్పటి వరకు కలుసుకోలేదు. అయితే ఇటీవల జనవరి 3న సిరికి బర్త్ డే విషెస్ తెలుపుతూ ఇన్ స్టాలో పోస్ట్ చేశాడు శ్రీహాన్. హ్యాపీ బర్త్‌డే సిరి.. ఈ సంవత్సరం పాజిటివ్‌ వైబ్స్‌తో నీ జీవితం సాగాలని ఆశిస్తున్నా. నీ లక్ష్యాలను త్వరలోనే సాధిస్తావ్‌. గాడ్‌ బ్లెస్‌ యూ అంటూ ఇన్‌స్టా స్టోరీలో షేర్‌ చేశాడు. అయితే బిగ్ బాస్ ముగిసిన తర్వాత బయటకు వచ్చిన సిరి ఇప్పటికీ శ్రీహాన్ ను కలుసుకోలేదని తెలుస్తోంది. షన్నూతో సిరి దగ్గరవ్వడంతో శ్రీహాన్ దూరంగా ఉంటున్నట్లు అనుమానాలు వస్తున్నాయి. త్వరలో వీరిద్దరు కూడా బ్రేకప్ చెప్పుకుంటున్నారని వార్తలు వస్తున్నాయి.