ఖరీదైన కారులో నందమూరి బాల‌కృష్ణ.. ఆ కారు ఎవరు గిఫ్ట్ గా ఇచ్చారో తెలుసా..?

టాలీవుడ్ లో టాప్ హీరోల్లో ఒకరు నందమూరి బాల‌కృష్ణ. అతడి చెప్పే డైలాగ్ డెలవరీ మరెవ్వరికీ సాధ్యం కాదు. అంతలా ఒదిగి డైలాగ్ లు చెబుతుంటారు. ఇన్నాళ్లు వెండితెరపై ఓ వెలుగు వెలిగిన బాలయ్య.. త్వరలోనే బుల్లితెరపై కనిపించనున్న విషయం తెలిసిందే. ఓటీటీ ప్లాట్ ఫాం ఆహాలో అతడు ఓ టాక్ షో చేయనున్నారు.

అన్ స్టాపబుల్ పేరుతో ప్రసారం కానున్న ఈ షోలో మెగా హీరోలతో పాటు టాలీవుడ్ స్టార్స్ పాల్గొననున్నారు. ఇప్పటికే కొన్ని ఎపిసోడ్స్ షూటింగ్ పూర్తి కావడం జరిగిందని సమాచారం. ఇక ఈ టాక్ షో కోసం దాదాపు రూ. 6 కోట్లు ఛార్జ్ చేస్తున్నారట బాలకృష్ణ. దసరా పండగ సందర్భంగా ఈ టాక్ షో ని గ్రాండ్ గా లాంచ్ చేశారు. ఈ ప్రారంభ కార్యక్రమానికి బాలకృష్ణ ఓ ల‌గ్జ‌రీ కారులో రాగా.. ఇది అంద‌రి దృష్టినీ ఆక‌ర్షించింది.

ఆ కారు కంపెనీ పేరు బంట్లీ. దీనిని బాలయ్య పెద్ద కూతురు నారా బ్రాహ్మణి.. తన తండ్రికి గిఫ్ట్ గా ఇచ్చినట్లు తెలుస్తోంది. ఈ కారు విలువు దాదాపు రూ. 4 కోట్ల నుంచి రూ.4.5 కోట్ల వరకు ఉంటుందట. గ‌త కొద్ది రోజులుగా బాల‌కృష్ణ ఈ కారులోనే ప్ర‌యాణిస్తున్నట్టు స‌మాచారం. ఇక నారా బ్రాహ్మణి విషయానికి వస్తే.. ఆమె సక్సెస్ ఫుల్ బిజినెస్ ఉమెన్ గా పలు వ్యాపారాలు నిర్వహిస్తున్న విషయం తెలిసిందే. తన సొంత సంపాదనతో బాలయ్యకు ఖరీదైన ఈ కారును బహుమతి అందించారు.

ఇదిలా ఉండగా.. అతడు మరోవైపు లేటెస్ట్ మూవీ అఖండ షూటింగ్ పూర్తి చేసుకుంది. దర్శకుడు బోయపాటి తెరకెక్కించిన ఈ యాక్షన్ ఎంటర్టైనర్ పోస్ట్ ప్రొడక్షన్ వర్క్ జరుపుకుంటుంది. ఈ కాంబినేషన్ లో వస్తున్న హ్యాట్రిక్ చిత్రంపై బాలయ్య అభిమానులతో పాటు పరిశ్రమలో… ఆసక్తి నెలకొని ఉంది. ఈ సినిమా మొత్తం రాయలసీమ, కర్ణాటక బోర్డర్ నేపథ్యంలో సాగుతుందని సినీ వర్గాల టాక్.