మెగస్టార్ చిరంజీవి డ్యాన్స్ పై బన్నీ ఆసక్తికర కామెంట్స్.. నేను అలా కాదంటూ ఓపెన్..!

మోస్ట్ అవెయిడ్ మూవీ పుష్ఫ ప్రేక్షకులు ముందుకు వచ్చింది. ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్ లో వస్తున్న మూవీ కావడంతో అందరిలోను అంచనాలు పెరిగిపోయాయి. ప్యాన్ ఇండియా లెవల్లో వస్తున్న ఈ మూవీ డిసెంబర్ 17న ప్రేక్షకుల ముందుకు వచ్చింది.

తెలుగుతో పాటు, తమిళ్, మళయాళం, కన్నడ, హిందీ భాషల్లో అనువాదవైంది. ఇప్పటికే విడుదలైన ఈ మూవీ సూపర్ టాక్ తెచ్చుకుంది. కాగా ఈ మూవీ ప్రమోషన్ మొత్తాన్ని స్వయంగా బన్నీనే మోశాడు. ఇప్పటికే హైదరాబాద్ తోపాటు తమిళనాడు, కర్ణాటకల్లో భారీ ఎత్తున ప్రమోషన్ చేశాడు. బన్నీతో పాటు రష్మికా కూడా ప్రమోషన్లలో భాగమైంది.

తాజాగా గురువారం కూడా ముంబైలో ప్రమోషన్ కోసం చిత్రయూనిట్ వెళ్లింది. తొలిసారిగా అల్లు అర్జున్ హిందీలో పుష్పగా వస్తుండటంతో నేషనల్ మీడియాతో ఇంటరాక్ట్ అయ్యాడు. ఇది తన జీవితంలో ముఖ్యమైన రోజని.. ఇకపై నాసినిమాలు ప్యాన్ ఇండియా స్థాయిలో ఉండేలా చూసుకుంటానని.. స్వదేశంతో పాటు విదేశీ ప్రేక్షకులకు దగ్గరయ్యేలా సినిమాలు చేస్తానని అన్నారు. అయతే హిందీ మీడియా మీ యాక్టింగ్ లో సూపర్ స్టార్ రజినీకాంత్ మేనరిజం కనిపిస్తుందని అడగ్గా బన్నీ నేను చెన్నైలో పుట్టిపెరిగానని.. సహజంగానే దక్షిణాది స్టార్ల నుంచి ప్రేరణ పొందానని చెప్పుకొచ్చాడు.

తనకు అమితాబ్ బచ్చన్ అంటే విపరీతమైన అభిమానం అని అన్నాడు. దీంతో పాటు మెగాస్టార్ చిరంజీవి ప్రస్తావన తీసుకువచ్చాడు. తన మావయ్య చిరంజీవి మంచి డ్యాన్సర్ అని… ఇది అందరికి తెలిసిన విషయమే అని అన్నారు. నేను వారిని ఇమిటేట్ చేయలేదని.. సందర్భానుసారంగా అలావస్తాయని అన్నారు అల్లు అర్జున్.