కేంద్ర ప్రభుత్వం సంచలన నిర్ణయం.. 25 ఓటీటీ యాప్స్ పై నిషేధం

Central government's sensational decision.. Ban on 25 OTT apps

న్యూఢిల్లీ: ప్రస్తుత డిజిటల్ యుగంలో ఓటీటీ ప్లాట్‌ఫార్మ్స్‌ మీదుగా అందుబాటులో ఉన్న అభ్యంతరకర, అశ్లీల కంటెంట్‌కు చెక్ పెట్టేందుకు కేంద్ర ప్రభుత్వం గంభీరంగా స్పందించింది. ఈ క్రమంలో కంటెంట్ నియమాలను ఉల్లంఘిస్తూ అభ్యంతరకరమైన దృశ్యాలను ప్రసారం చేస్తున్న 25 ఓటీటీ యాప్స్‌పై కేంద్ర ప్రసారాల మంత్రిత్వ శాఖ నిషేధం విధించింది. ఉల్లు (Ullu), ఆల్ట్ (Altt), దేశీఫ్లిక్స్ (DesiFlix), బిగ్ షాట్స్ (Big Shots) సహా పలు ప్లాట్‌ఫార్మ్స్‌ ఈ జాబితాలో ఉన్నాయి.

Central government’s sensational decision.. Ban on 25 OTT apps

నిషేధానికి కారణాలు, ఆదేశాలు

ప్రభుత్వానికి అందిన వివిధ దర్యాప్తు సంస్థల నివేదికల ప్రకారం, ఈ యాప్స్‌ అభ్యంతరమైన కంటెంట్‌ను తమ వెబ్‌సైట్‌లు, మొబైల్ యాప్‌ల ద్వారా పలుమార్లు ప్రసారం చేస్తున్నట్లు తేలింది. దీనితో పాటు, వీటికి సంబంధించి నిబంధనలకు విరుద్ధంగా వ్యవహరించినందుకు చర్యలు తీసుకోవాల్సిన అవసరం ఉందని ప్రభుత్వం స్పష్టం చేసింది.

ఈ నేపథ్యంలో, ఇంటర్నెట్ సర్వీస్ ప్రొవైడర్లకు (ISPs) స్పష్టమైన ఆదేశాలు జారీచేస్తూ, ఈ యాప్స్ మరియు వాటి వెబ్‌సైట్ల లింకులను పూర్తిగా బ్లాక్ చేయాలని సూచించింది. ఇకపై ఈ 25 ఓటీటీ యాప్స్‌ కు సంబంధించిన మొబైల్ అప్లికేషన్లు, వెబ్‌సైట్లు భారతదేశంలో పనిచేయవు. అవి అందించే కంటెంట్‌ను ఎవరూ చూడలేరు.

భారతీయ చట్టాలు మరియు డిజిటల్ మీడియా నిబంధనలను పాటించకపోతే, తదుపరి మరింత కఠినమైన చర్యలు తీసుకోవాల్సి వస్తుందని కేంద్రం హెచ్చరించింది. ఓటీటీ ప్లాట్‌ఫార్మ్స్‌ తమ కంటెంట్ విషయంలో బాధ్యతాయుతంగా వ్యవహరించాలనే విషయాన్ని మరోసారి స్పష్టంగా సూచించింది.