వీడియో వైరల్: కారు పొగగొట్టం వద్ద చికెన్ కబాబ్ వండాడు… చివరికి ఏమైందంటే?

చికెన్ కబాబ్ గ్రిల్ చేయాలంటే మనం స్టవ్ ఉపయోగిస్తాము లేదా నిప్పుల ద్వారా గ్రిల్డ్ చేయడానికి ప్రయత్నిస్తాము. కానీ మీరెప్పుడైనా కారు పొగ గొట్టం దగ్గర చికెన్ కబాబ్ గ్రిల్డ్ చేయవచ్చని విన్నారా.. వినడానికి ఎంతో ఆశ్చర్యంగా ఉన్నా చైనాలోని హునాన్ ప్రావిన్స్‌లో.. ఓ కుర్రాళ్ళు ఈ విధమైనటువంటి ప్రయత్నం చేశారు. అయితే చివరికి వారి ప్రయత్నం మాత్రం బెడిసికొట్టింది. అసలేం జరిగిందంటే…

సుమారుగా మూడు కోట్ల రూపాయల విలువ చేసే లంబోర్గినీ కారు పొగ గొట్టం ద్వారా వెలువడే మంటల నుంచి చికెన్ గ్రిల్లెడ్ చేయాలని భావించారు.ఈ క్రమంలోనే ఓ కుర్రాడు కారు పొగ గొట్టం వద్ద చికెన్ ముక్కలు పట్టుకుని రెడీగా కూర్చున్నారు. మరొకరు మాత్రం కారు ఎక్కి… దాని V12 ఇంజిన్‌ను రైజ్ చేశాడు. అంతలా రైజ్ చేయడంతో ఒక్కసారిగా పెద్ద ఎత్తున మంటలు వ్యాపించాయి.

కారును పెద్ద మొత్తంలో మాటిమాటికీ రైస్ చేయడం వల్ల ఏకంగా ఎగ్జాస్ట్ నుంచి మంటలే బయటకు వచ్చాయి. ఆ మంటల్లో కబాబ్‌ను గ్రిల్ చెయ్యాలని చూశాడు. కొన్ని సెకండ్లకే…కారులో నుంచి పెద్దఎత్తున పొగ రావడంతో అక్కడున్న వారు ఏం జరిగిందో తెలియక అయోమయంలో పడ్డారు.ఈ విధంగా కారు నుంచి పెద్ద ఎత్తున మంటలు వ్యాపించిన తరువాత ఒక ఎరుపు రంగు ద్రావణం కారు నుంచి లీక్ అయింది.

ఈ విధంగా కారు నుంచి పెద్ద మొత్తంలో పొగలు రావడంతో ఆ కారును ఆపడానికి ఎవరికీ రాలేదు దీంతో మంట అధికం కావటం వల్ల కారులో ప్లాస్టిక్ కూలాంట్ ట్యాంక్ ఉంటుంది. ఈ మంటలు ఆ ట్యాంకుకు తగిలాయి. దాంతో అది కూల్ పోయి హీట్ కావటం వల్లే ట్యాంక్ కన్నం పడి అందులో ఉండే లిక్విడ్ కిందకు పోయింది.ప్రస్తుతం ఈ వీడియో సోషల్ మీడియాలో వైరల్ గా మారడంతో ఎంతో మంది నెటిజన్లు ఈ కుర్రాళ్ళ పై తీవ్ర ఆగ్రహం వ్యక్తం చేస్తున్నారు.అంతగా కబాబ్ తినాలనిపిస్తే ఇంట్లో చేసుకోని తినాలి కానీ ఈ పని ఏంటని కొందరు తిట్టగా..మరికొందరు మాత్రం ఇంత ఖరీదైన కార్లతో పిల్ల చేష్టలు అవసరమా అంటూ ఆగ్రహం వ్యక్తం చేస్తున్నారు.