Chiranjeevi: కనిపించే దేవత అమ్మ అంటూ తల్లికి పుట్టినరోజు శుభాకాంక్షలు చెప్పిన చిరు.. ఫోటోలు వైరల్!

Chiranjeevi: మెగాస్టార్ చిరంజీవి టాలీవుడ్ ఇండస్ట్రీలో స్టార్ హీరోగా ఎంతో పేరు ప్రఖ్యాతలను సంపాదించుకున్నారు. ఇలా నటుడిగా ఇండస్ట్రీలో ఎంతో మంచి గుర్తింపు సంపాదించుకున్నటువంటి ఈయన ఇప్పటికీ వరుస సినిమాలలో నటిస్తూ యంగ్ హీరోలకు పోటీ ఇస్తున్నారు. ఇలా సినిమాల పరంగా ఎంతో బిజీగా ఉండే చిరంజీవి సోషల్ మీడియాలో కూడా చాలా యాక్టివ్ గా ఉంటూ తనకు సంబంధించిన అన్ని విషయాలను అభిమానులతో పంచుకుంటారు.

ఇకపోతే నిన్న చిరంజీవి తల్లి అంజనదేవి పుట్టినరోజు వేడుకలను జరుపుకున్నారు. ఈ క్రమంలోనే తన తల్లి పుట్టిన రోజు వేడుకలకు సంబంధించిన ఫోటోలను చిరంజీవి సోషల్ మీడియా వేదికగా షేర్ చేస్తూ తన తల్లి గారికి ఎమోషనల్ బర్తడే విషెస్ తెలియజేశారు. అంజనాదేవి పుట్టినరోజు సందర్భంగా చిరంజీవితో పాటు తన చెల్లెలు తమ్ముడు కూడా ఈ వేడుకలలో పాల్గొన్నారు. పవన్ కళ్యాణ్ మాత్రం ఈ వేడుకలకు దూరంగా ఉన్నారు.

కని పెంచిన అమ్మ…

ఇక తన తల్లి పుట్టినరోజు వేడుకలను తన కుటుంబ సభ్యుల సమక్షంలో ఎంతో ఘనంగా నిర్వహించారు అందుకు సంబంధించిన ఫోటోలను చిరంజీవి సోషల్ మీడియా వేదికగా షేర్ చేస్తూ కనిపించే దేవత కని పెంచిన అమ్మకు పుట్టినరోజు శుభాకాంక్షలు అంటూ ఈయన తన తల్లికి పుట్టినరోజు శుభాకాంక్షలు తెలిపారు. ప్రస్తుతం ఈ ఫోటోలు సోషల్ మీడియాలో వైరల్ గా మారడంతో చిరంజీవి అభిమానులు కూడా అంజనా దేవికి పుట్టినరోజు శుభాకాంక్షలు తెలియజేస్తున్నారు.