Jabardasth Apparao: ఫుల్లుగా వాడుకుని అవసరం తీరాక వదిలేసారు.. జబర్దస్త్ షో పై షాకింగ్ వ్యాఖ్యలు చేసిన కమెడియన్ అప్పారావు…!

Jabardasth Apparao: ప్రస్తుతం బుల్లితెర మీద సీరియల్స్ తో పాటు ఎన్నో రకాల టీవీ షోలు కూడా ప్రేక్షకులను అలరిస్తున్నాయి. డాన్స్ షో లు, కామెడీ షో లతో అన్ని చానల్స్ ప్రేక్షకులను అలరించడానికి పోటీపడుతున్నాయి. గత కొన్ని సంవత్సరాలుగా ఈటీవీలో ప్రసారమవుతున్న జబర్దస్త్ కామెడీ షో కూడా ప్రేక్షకులను బాగా అలరిస్తోంది. ఈ షో ద్వారా ఎంతో మంది కమెడియన్లు ఇండస్ట్రీకి పరిచయం అయ్యారు.

ఈ షో ఎంతోమందికి జీవితాన్ని ఇచ్చిందని చెప్పటంలో సందేహం లేదు. కానీ గత కొంత కాలంగా ఈ షో రేటింగ్స్ దారుణంగా పడిపోతున్నాయి.ఈ షో ద్వార ఫేమస్ అయిన వాళ్ళే వివిధ కారణాల వల్ల ఇప్పుడు ఈ షో నుండి బయటకి వెళ్లిపోతున్నారు. ఈ షో రేటింగ్స్ పడిపోవటానికి రోజా వెళ్ళిపోవటం ఒక కారణం అయితే, జబర్థస్త్ లో టాప్ కమెడియన్లు గా ఉన్న హైపర్ ఆది, సుడిగాలి సుధీర్, గెటప్ శ్రీను , అదిరే అభి వంటి వారూ కూడా ఈ షో నుండి వెళ్ళిపోవటం మరొక కారణం.

ఈ షో నుండి బయటకి వెళ్ళిన వారు ఈ షో నిర్వాహకులు మీద తీవ్రమైన ఆరోపణలు చేస్తున్నారు. ఈ షోలో కమెడియన్ గా మంచి గుర్తింపు పొందిన అప్పారావు కూడా ఇటీవల జబర్దస్త్ గురించి ఆసక్తికర వ్యాఖ్యలు చేశాడు. అప్పారావు ఒక యూట్యూబ్ ఛానల్ కు ఇచ్చిన ఇంటర్వ్యూలో మాట్లాడుతూ.. జబర్దస్త్ యాజమాన్యం వారు తనని మోసం చేశారు అంటూ చెప్పుకొచ్చాడు.

టీమ్ లీడర్ గా ఛాన్స్ ఇవ్వమన్నారు..

ఎన్నో సంవత్సరాలుగా జబర్దస్త్ లో ఉన్న నేను కరోనా కారణంగా కొంత కాలం గ్యాప్ వచ్చింది. తర్వాత వెళ్లి జబర్దస్త్ యాజమాన్యం వారిని అడగగా మీ వయసు ఎక్కువ కాబట్టి కొంత కాలం ఇంట్లో ఉండండి,తర్వాత మేమే పిలుస్తాం అని చెప్పారు. కానీ ఎన్నిరోజులు గడిచిన కూడా వారి నుండి పిలుపు రాలేదు. కానీ మళ్ళీ తానే వెళ్ళి అడిగితే ఈ సారి టీమ్ లీడర్ గా చాన్స్ లేదని వేరే టీమ్ లో కంటెస్టెంట్ గా చేయాలని చెప్పారు. కానీ నాకు నచ్చక ఆ షో నుంచి బయటకు వచ్చాను. ఇలా బయటకు వచ్చిన తర్వాత తాను మరింత పేరు సంపాదించుకున్నానని ఈ సందర్భంగా అప్పారావు జబర్దస్త్ కార్యక్రమం గురించి షాకింగ్ కామెంట్ చేశారు.