Anchor Vishnu Priya: హీరోయిన్ కాకుండా చనిపోతా అనుకున్నా.. షాకింగ్ కామెంట్స్ చేసిన విష్ణు ప్రియ!

Anchor Vishnu Priya: విష్ణు ప్రియ ఈ పేరు గురించి ప్రత్యేకంగా పరిచయం అవసరం లేదు పోవే పోరా అనే కార్యక్రమం ద్వారా యాంకర్ గా పరిచయమైన విష్ణుప్రియ అనంతరం పలు ఇతర కార్యక్రమాలకు వ్యాఖ్యాతగా వ్యవహరిస్తు మంచి గుర్తింపు సంపాదించుకున్నారు.ఇలా కొన్ని రోజులపాటు బుల్లి తెరపై ఓ వెలుగు వెలిగిన ఈ ముద్దుగుమ్మకు ప్రస్తుతం ఏ విధమైనటువంటి అవకాశాలు లేవు.

ఈ క్రమంలోనే అవకాశాలకోసం సోషల్ మీడియా వేదికగా విష్ణుప్రియ గ్లామర్ ట్రీట్ ఇస్తూ అందాలను ఆరబోస్తూ పెద్దఎత్తున రచ్చ చేశారు. నిత్యం ఏదో ఒక డాన్స్ వీడియో ద్వారా అభిమానులను సందడి చేస్తూ రోజురోజుకు విపరీతమైన ఫ్యాన్ ఫాలోయింగ్ పెంచుకున్నారు.ఇలా సోషల్ మీడియాలో పెద్దఎత్తున రచ్చ చేస్తున్న ఈ ముద్దుగుమ్మ తాజాగా ఒక సినిమా అవకాశాన్ని అందుకున్నారు.

ప్రముఖ డైరెక్టర్ రాఘవేంద్ర రావు సమర్పణలో శ్రీధర్ సీపాన దర్శకత్వంలో సుడిగాలి సుదీర్, దీపికా పిల్లి జంటగా నటిస్తున్న వాంటెడ్ పండుగాడ్ చిత్రంలో విష్ణుప్రియ కీలక పాత్రలో నటిస్తున్నారు. ప్రస్తుతం ఈ సినిమా శరవేగంగా షూటింగ్ పనులను జరుపుకుంటోంది ఇకపోతే తాజాగా చిత్ర బృందం మీడియా సమావేశంలో పాల్గొన్నారు.

అందరి దృష్టిని ఆకర్షించిన విష్ణుప్రియ..

ఈ మీడియా సమావేశంలో భాగంగా విష్ణుప్రియ మాట్లాడుతూ పలు ఆసక్తికరమైన వ్యాఖ్యలు చేశారు.ఈ సందర్భంగా ఆమె మాట్లాడుతూ తాను జీవితంలో హీరోయిన్ కాకుండానే చని పోతానేమోనని భావించాను. అయితే రాఘవేంద్ర రావు గారి వల్ల నా కోరిక నెరవేరిందని ఈ సందర్భంగా విష్ణు ప్రియ సంచలన వ్యాఖ్యలు చేస్తూ అందరి దృష్టిని ఆకర్షించింది. దీంతో ఈమె చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి.