DAV public school issue : గత కొద్దిరోజులుగా రెండు తెలుగు రాష్ట్రాల్లోనూ సంచలనం సృష్టిస్తున్న ఘటన హైదరాబాద్ బంజారాహిల్స్ లోని పబ్లిక్ స్కూల్ లో నాలుగేళ్ల పాప మీద స్కూల్ డ్రైవర్ అత్యాచారం. రెండు నెలలుగా పాపను వేదిస్తున్న ఆ డ్రైవర్ మరి కొంతమంది పిల్లలను కూడా ఇలాగే లైంగిక వేధింపులకు గురించేసాడంటూ వార్తలు వినిపిస్తున్నాయి. ప్రిన్సిపాల్ మాధవి కి డ్రైవర్ గా పనిచేస్తున్న వ్యక్తి స్కూల్ లో కూడా టీచర్స్ మీద అజమాయిషి చేసేవాడని విస్తుపోయే నిజాలు వెలుగులోకి వస్తున్నాయి. ఇక ఈ ఇష్యూని సీరియస్ గా తీసుకున్న తెలంగాణ ప్రభుత్వం డ్రైవర్ ను అలాగే ప్రిన్సిపాల్ మాధవిని కూడా అరెస్ట్ చేసారు. ఇక స్కూల్ గుర్తింపును ప్రభుత్వం రద్దు చేసింది. ఈ ఉదంతాల మీద ఆ స్కూల్ లో చదువుతున్న విద్యార్థుల తల్లిదండ్రుల అభిప్రాయాలను తెలిపారు.
వాడిని అక్కడిక్కడే ఉరి తీయాలి…. ఆ ప్రిన్సిపాల్ ను కూడా…
ఇక మమత అనే పేరెంట్ మాట్లాడుతూ తన ముగ్గురు పిల్లలు ఆ స్కూల్లోనే చదువుతున్నట్లు చెప్పారు. ఎప్పటికప్పుడు రోజూ స్కూల్లో ఏం జరుగుతోంది ఏంటి అని అడుగుతూనే ఉంటానని మమత చెప్పారు. ఇక రెండు నెలల నుండి స్కూల్లో ఉన్న సీసీ టీవీలన్నింటికి పవర్ కట్ చేశారని పిల్లలు చెబితే అందరు పేరెంట్స్ పేరెంట్స్-టీచర్స్ మీటింగ్ లో అడిగామని, సీసీ టీవీలను మార్చాలని అందుకే అలా చేశామని త్వరలో మారుస్తామని చెప్పారు అంటూ చెప్పారు మమత.
ఇక చిన్నారి ఘటన గురించి మాట్లాడుతూ ఒక స్కూల్ డ్రైవర్ అంత చిన్న పిల్లను అలా చేస్తాడని అనుకోలేం కదా అంటూ వాడిని బ్రతకనివ్వకూడదు, అక్కడిక్కడే ఉరి వేయాలి, వాడికి ఇద్దరు పిల్లలు ఉన్నారు కానీ ఇలాంటి బుద్ధి ఎలా పుట్టిందో అర్థం కావడం లేదు అంటూ మాట్లాడారు. ఇక ఆ ప్రిన్సిపాల్ ను కూడా వదలకూడదు ఆమెకు జైలు శిక్ష వేయాలి. ఇలాంటివి మళ్ళీ జరగకూడదు అంటే వారిని కఠినంగా శిక్షించాలి అంటూ చెప్పారు. ఇక స్కూల్ గుర్తింపు రద్దు చేయడం మంచిదే కానీ మిగిలిన పిల్లల భవిష్యత్తు గురించి కూడా అలోచించి ప్రభుత్వం నిర్ణయం తీసుకోవాలి అంటూ మమత అభిప్రాయపడ్డారు.
