Director Kondanda Ramireddy : బాలకృష్ణ తో 13 సినిమాలను చేశాను… అన్ స్టాపబుల్ కి పిలిచి నన్ను ఎలా చూసుకున్నాడంటే…: డైరెక్టర్ కోదండ రామిరెడ్డి

Director Kodanda Ramireddy : కమర్షియల్ సినిమాలకు కేర్ అఫ్ అడ్రెస్స్ గా ఒకే హీరోతో దాదాపు 17 సినిమాలను మరో హీరోతో దాదాపు 13 సినిమాలు ఇలా వరుసగా పెద్ద హీరోలతో సినిమాలను తీస్తూ ఇద్దరు పెద్ద హీరోలకు వరుస హిట్లను ఇచ్చిన డైరెక్టర్ కోదండ రామిరెడ్డి. నెల్లూరు జిల్లాకు చెందిన కోదండ రామిరెడ్డి హీరో అవ్వాలని ఇండస్ట్రీకి వచ్చి రచయితగా పనిచేసి అలానే డైరెక్టర్ గా మారారు. ఆయన డైరెక్టర్ గా ‘సంధ్య’ సినిమా తీశారు. ఇక చిరంజీవి ‘న్యాయం కావాలి’ నుండి ‘ముఠా మేస్త్రి’ వరకు వీళ్ళ జర్నీ నడిచింది. చిరంజీవికి తొలి సూపర్ కమర్షియల్ సక్సెస్ ‘ఖైదీ’ నుండి ముఠా మేస్త్రి వరకు దాదాపు 17 సినిమాలను తీసి అందులో దాదాపు అన్నీ హిట్లుగా నిలిపిన ఘనత కోదండ రామిరెడ్డికి దక్కుతుంది. ఇక బాలకృష్ణ కెరీర్ లో ‘నారీ నారీ నడుమ మురారీ, భార్గవ రాముడు, బొబ్బిలి సింహం’ వంటి సూపర్ హిట్స్ ఇచ్చిన ఆయన చివరగా కొడుకు వైభవ్ రెడ్డి ని పెట్టి ‘గొడవ’ అనే సినిమాకు దర్శకత్వం వహించారు.

బాలకృష్ణ అలా చూసుకున్నాడు…

ఇద్దరు అగ్రహీరోలకి కమర్షియల్ సక్సెస్ లు ఇచ్చిన కోదండ రామిరెడ్డి గారు వారి గురించి మాట్లాడుతూ ఇద్దరూ చాలా బాగా గౌరవం ఇస్తారంటూ చెప్పారు. ఇక బాలకృష్ణ తో 13 సినిమాలను చేసిన ఆయన బాలయ్య గురించి మాట్లాడుతూ బాలకృష్ణ చాలా బాగా మాట్లాడుతాడని, గౌరవంగా చూసుకుంటాడని చెప్పారు.

ఇటీవలే అన్ స్టాపబుల్ షో కి వచ్చిన కోదండ రామిరెడ్డి గారు ఆ షో గురించి మాట్లాడుతూ అక్కడ నన్ను చాలా బాగా రిసీవ్ చేసుకున్నాడని, బాగా చూసుకున్నాడంటూ చెప్పారు. చిరంజీవి, బాలకృష్ణ తో మల్టీ స్టార్రర్ తీయాలానే కోరిక ఉండేదని, ఇప్పటికీ వాళ్లిద్దరు ఓకే అంటే ఖచ్చితంగా సినిమా కథ రెడీ చేసుకుని తీస్తానంటూ ఆ ఎనర్జీ నాలో ఉందంటూ చెప్పారు.