విశ్వంలో వింత.. గ్రహంతరవాసులేనా..? లేదంటే మరో ప్రపంచమా..

ఆకాశంలో వింతలు.. విశేషాలకు కొదవ ఉండదు. విశ్వం వ్యాప్తంగా ఎన్నో పరిశోధనలు నిరంతరం జరుగుతూనే ఉంటాయి. ఎన్నో దశాబ్దాలుగా ఇవి సాగుతూనే ఉన్నాయి. ఎన్నో కొత్త విషయాలు బయటపడుతూనే ఉన్నాయి. తాజాగా మరో వింత వెలుగులోకి వచ్చింది. అదేంటంటే.. అమెరికాలోని ఓ ప్రయోగశాల నిరంతరం ఆకాశంలో చోటుచేసుకునే వాటిని ఎప్పటికప్పుడు ఫొటోలు, వీడియోలు తీస్తూ ఉంటారు.

అయితే అలా తీసిన వీడియో, ఫొటోలో ఒకచోట 9 వింత నక్షత్రాలు కనిపించాయి. అరగంట తర్వాత అవి మాయం అయ్యాయి. ఈ చిత్రాలు తీసింది 12 ఏప్రిల్ 1950 లో.. కానీ వాటిని పరిశీలిస్తున్న శాస్త్రవేత్తలకు ఇప్పుడు ఈ విషయంపై ఆసక్తి కలిగింది. ప్రస్తుతం భారత్ సహా మరికొన్ని దేశాలు వీటిపై పరిశోధనలు చేస్తున్నారు. పరిశోధనల ప్రారంభ అధ్యయనాన్ని ఇటీవల ప్రచురించారు. ఈ ప్రచురణల్లో బలంగా చెప్పిన అంశం ఆసక్తి కలిగించేదిగా ఉంది. గ్రహాంతర వాసుల గురించి ఇప్పుడు చాలా ప్రయోగాలు జరుగుతున్నాయి.

ఈ నేపథ్యంలో ఈ పరిశోధనల ప్రచురణ ప్రాముఖ్యత సంతరించుకుంది. భారతదేశంతో పాటు మరికొన్ని దేశాలు ఆకాశంలో మరో ప్రపంచం ఉందని అంగీకరించాయి. ఆకాశంలో కనిపించే విషయాలను పరిశోధించడానికి, సౌర ప్రతిబింబాల యొక్క డిజిటలైజ్డ్ డేటాను చూడాలి. ప్రపంచంలోని బలమైన సాంకేతిక పరిజ్ఞానాన్ని ఉపయోగించి చూసిన తరువాత ఆ 9 నక్షత్రాలు మళ్లీ కనిపించలేదు. సిసిడి డిటెక్టర్ సర్వేలో కూడా ఈ నక్షత్రాలు కనిపించలేదు.

ఇలా ఏ టెలిస్కోప్ ద్వారా చూసినా కనిపించకపోవడంతో దీని వెనుక రేడియోధార్మిక కణాలు ఉండవచ్చని ఒక వర్గం చెబుతోంది. మరికొంత మంది ఈ 9 నక్షత్రాలు గహంతరవాసులు వాడుకునే ఓడ అని చెబుతున్నారు. ఏదేమైనా ఇప్పటివరకు ఆ 9 నక్షత్రాలు ఏంటనే దానిపై క్లారిటీ మాత్రం రాలేదు.