గుడికి వెళ్ళినప్పుడు ఏ గుడిలో ఎన్ని ప్రదక్షిణాలు చేయాలో తెలుసా..?

మన హిందూ సాంప్రదాయాల ప్రకారం మనం ఏదైనా ఆలయాన్ని సందర్శించినప్పుడు మొదటగా ఆలయం చుట్టూ ప్రదక్షిణలు పూర్తిచేసిన తరువాత ఆలయంలోకి ప్రవేశించి స్వామివారిని దర్శనం చేసుకుంటాను. అయితే కొందరు దేవుడి ఆలయం చుట్టూ ఎన్ని ప్రదక్షిణలు చేయాలో పూర్తిగా అవగాహన ఉండదు. వారికి తోచిన విధంగా 3,5,7,9 ఈ విధంగా ప్రదక్షిణలు చేస్తారు. మరికొందరు ప్రత్యేకమైన కోరికలు కోరుకొని స్వామి వారి ఆలయం చుట్టూ 108 ప్రదక్షిణాలు చేస్తూ ఉండడం మనం చూసే ఉంటాం. అయితే ఏ దేవుడి గుడిలో ఎన్ని ప్రదక్షిణాలు చేయడం వల్ల ఎలాంటి ఫలితాలు కలుగుతాయో ఇక్కడ తెలుసుకుందాం.

సూర్య భగవానుడికి, నవగ్రహాలకు,18 ప్రదక్షిణాలు చేయాలి. అదేవిధంగా సుబ్రమణ్యేశ్వర స్వామికి,27 ప్రదక్షిణలు చేయడం వల్ల మంచి జరుగుతుంది.
*సోమవారం శివుడికి18 మహాలక్ష్మి అమ్మవారికి 20 ప్రదక్షిణలు చేయడం వల్ల అష్ట ఐశ్వర్యాలు కలుగుతాయి.
*మంగళవారం ఆంజనేయ స్వామి ఆలయం చుట్టూ 21 ప్రదక్షణలు చేయాలి.
*బుధవారం సరస్వతీదేవికి17, వినాయకుడుకి 27 ప్రదక్షిణలు చేయాలి.
*గురువారం సాయిబాబా దేవాలయంలో 16 ప్రదక్షిణలు చేయాలి.
*శుక్రవారం దుర్గా మాత ఆలయంలో 20 ప్రదక్షిణలు చేయాలి.
*శనివారం శ్రీ వెంకటేశ్వర స్వామికి 21 ప్రదక్షిణలు శనీశ్వరునికి 18 ప్రదక్షిణలు చేయాలి.

ఈ విధంగా ఇష్టమైన రోజు ఇష్టమైన దేవునికి ఇన్ని ప్రదక్షిణలు చేసి ఆలయంలోనికి దేవుని దర్శనార్థం ఆలయంలోనికి ప్రవేశించాలి. ఈ విధంగా ప్రదక్షిణలు చేయడం ద్వారా అనుకున్న కోరికలు నెరవేరడమే కాకుండా, అదృష్టం కలిసి వస్తుందని పండితులు చెబుతున్నారు.