Vignesh Shivan: నయనతార భర్త విగ్నేష్ గురించి ఈ విషయాలు మీకు తెలుసా.. డైరెక్టర్ కాక ముందు అలాంటి పనులు చేసారా?

Vignesh Shivan: విగ్నేష్ శివన్ దర్శకుడిగా నయనతార భర్తగా అందరికీ పరిచయమే.ఈయన తమిళ ఇండస్ట్రీలో ఎన్నో సినిమాలకు దర్శకుడిగా పని చేసి నయనతారను ప్రేమించి అనంతరం వీరిద్దరు పెళ్లి బంధంతో ఒక్కటయ్యారు. అయితే నయనతారను పెళ్లి చేసుకున్న విగ్నేష్ కేవలం మనకు దర్శకుడిగా మాత్రమే తెలుసు. అయితే ఈయన దర్శకుడు కాక ముందు ఏం చేసేవారు, ఈయన గురించి ఎవరికీ తెలియని పలు ఆసక్తికరమైన విషయాలను ఇక్కడ తెలుసుకుందాం…

విగ్నేష్ దర్శకుడు కాకముందు ఈయన పాటల రచయితగా పని చేసేవారు. తమిళంలో ఈయన సుమారు 50 పాటలను రచించారు. ఇక ఈయన లిరిక్స్ అందించిన పాటలకు అనిరుధ్ సంగీతం అందించే వారు అలా అనిరుద్ విగ్నేష్ మంచి స్నేహితులయ్యారు. ఇక విగ్నేష్ దర్శకత్వం వహించే సినిమాలకు దాదాపు అనిరుద్ సంగీత దర్శకుడిగా వ్యవహరిస్తారు.

విగ్నేష్ దర్శకుడిగా  ’నానుమ్ రౌడీదాన్’ తెరకెక్కిన చిత్రంలో నయనతార మొట్టమొదటిసారిగా నటించింది. ఈ సినిమా నుంచి వీరిద్దరి మధ్య ప్రేమ ఏర్పడింది. ఇకపోతే ఈ సినిమా నుంచి నయనతారకు కథల ఎంపిక విషయంలో విగ్నేష్ ఎంతో సహాయం చేసేవారు. నయనతార ఏదైనా సినిమా చేయాలంటే ముందుగా విగ్నేష్ కథ ఓకే చేస్తేనే ఆ కథ నయనతార వరకు వెళుతుంది.

నయనతార కన్నా వయసులో విగ్నేష్ చిన్నవాడు…

ఇక ఈయన పాటల రచయితగా, డైరెక్టర్ గా మాత్రమే కాకుండా నిర్మాతగా కూడా వ్యవహరించారు. అదేవిధంగా విగ్నేష్ శివన్ నటుడిగా కూడా సివి, పోడా పోడి, వంటి చిత్రాల్లో ఈయన తన యాక్టింగ్‌తో అదరగొట్టారు. ఇలా ఈయన ఇండస్ట్రీలో మల్టీ టాలెంటెడ్ కలిగిన వ్యక్తి అని చెప్పవచ్చు. ఇకపోతే నయనతారతో ప్రేమలో పడిన విగ్నేష్ సుమారు ఏడు సంవత్సరాల పాటు పెద్దల అంగీకారం కోసం ఎదురు చూస్తూ వారి అంగీకారంతో ఎంతో ఘనంగా పెళ్లి చేసుకున్నారు. అయితే వయసురీత్యా నయనతార కన్నా విగ్నేష్ ఒక ఏడాది చిన్న వాడు. నయనతార ఈ స్థాయిలో ఉండటానికి విగ్నేష్ కృషి ఎంతగానో ఉందని చెప్పాలి.