పునీత్ కనిపించకపోవడంతో తన పెంపుడు కుక్కలు చేసిన పని తెలిస్తే కన్నీళ్లాగవు..!

పునీత్ రాజ్ కుమార్ ఒక్కసారిగా ఈ లోకాన్ని విడిచి వెళ్లిపోయి అటు అభిమానులకు ఇటు కుటుంబ సభ్యులకు శోకసంద్రంలోకి నెట్టేశారు. ఆయన మరణ వార్తను విని అభిమానులు కన్నీరుమున్నీరుగా విలపించారు. ఇప్పటికీ పునీత్ లేరన్న వార్తను జీర్ణించుకోలేకపోతున్నారు. పునీత్ అకాలమరణం భారతసినీ పరిశ్రమకు తీరని లోటని చెప్పవచ్చు.

ఆయన పార్థివ దేహాన్ని చూడడానికి అభిమానులు సెలబ్రిటీలు భారీ ఎత్తున వచ్చారు. పునీత్ ఎన్నో సేవా కార్యక్రమాల ద్వారా ఎందరికో జీవితాన్ని ఇవ్వటమే కాకుండా ఆయన మూగజీవాల పట్ల ఎంతో ప్రేమను చూపిస్తూ వాటిని చేరదీసేవాడు. అలా అతనికి ఉన్న మంచి మనసుతో ఎన్నో కుక్కలను ఇష్టంగా పెంచుకున్నారు. వాటికి ఏమైనా అయితే అతడి మనసు తల్లడిల్లిపోయేది.

అప్పుడప్పుడు ఆ పెంపుడు కుక్కల గురించి, అలాగే వాటికి సంబంధించిన ఫోటోలను కూడా సోషల్ మీడియాలో షేర్ చేసుకునేవాడు. అలా అల్లారుముద్దుగా పెంచుకున్న తన రెండు పెంపుడు కుక్కలు పునీత్ కనిపించకపోయేసరికి కన్నీటి పర్యంతం అవుతున్నాయి. పునీత్ మరణించినప్పటి నుంచి ఆ పెంపుడు కుక్కలు ఆహారం తినకుండా బాధతో ఉన్నట్లు కనిపిస్తున్నాయి.

ఆ పెంపుడు కుక్కలు పదేపదే పునీత్ ఫోటో వద్దకు వెళ్లి దీనంగా చూస్తూ ఉన్నాయి. ఆ కుక్కలు పునీత్ ఫోటో వద్దకు వెళ్లి చూస్తుండటంతో కుటుంబ సభ్యులు కన్నీరు మున్నీరుగా విలపిస్తున్నారు. చివరికి అతని సమాధి వద్దకు ఆయన కుటుంబ సభ్యులు ఆ కుక్కలను తీసుకెళ్లారు. పునీత్ మరణం తర్వాత ఈ మూగజీవాలు చూపిస్తున్న ప్రేమను చూసి అతని అభిమానులు సైతం ఎమోషనల్ అవుతున్నారు.