కార్తీకదీపం సాగదీయడానికి కారణం అదే… క్లారిటీ ఇచ్చిన డాక్టర్ బాబు!

బుల్లితెరపై టాప్ రేటింగ్స్ లో దూసుకుపోతున్న సీరియల్ ఏదైనా ఉందా అంటే అది కార్తీకదీపం సీరియల్ అని చెప్పవచ్చు. రెండు తెలుగు రాష్ట్రాలలో కార్తీకదీపం సీరియల్ కు ఎంతో మంది అభిమానులు ఉన్నారు. బుల్లితెరపై ప్రసారమయ్యే ఏ కార్యక్రమం, ఏ రియాలిటీ షోలు అయినా కానీ కార్తీకదీపం దెబ్బకు డీలా పడాల్సిందే. అంతగా ప్రేక్షకులను ఆకట్టుకుంటున్న ఈ సీరియల్ గురించి పొగిడేవారు ఉన్నారు.. తిట్టుకునే వారు ఉన్నారు.

ముఖ్యంగా కార్తీకదీపం సీరియల్ గురించి చెప్పాలంటే ఈ సీరియల్ లో ఒక్కొక్కరి పాత్ర విభిన్న రీతిలో ప్రేక్షకులను ఆకట్టుకునే విధంగా ఉంటుంది. ఒక పాత్ర చాలా బోర్ కొడుతుందన్న నేపథ్యంలో ఆ పాత్రపై ఇంట్రెస్టింగ్ కథను తీసుకువస్తారు.ఈ విధంగా ఈ సీరియల్ టాప్ వన్ రేటింగ్స్ ను సొంతం చేసుకుంటుంది. అదేవిధంగా మరికొందరు ఈ సీరియల్ గురించి మాట్లాడుతూ కార్తీకదీపం డైరెక్టర్ ఒక పాయింట్ ని పట్టుకుని దానిని సాగదీస్తూ ప్రజలను సావకొడుతున్నారు అంటూ చెబుతుంటారు.

తాజాగా కార్తీకదీపం సీరియల్ డాక్టర్ బాబు అలియాస్ పరిటాల నిరుపమ్ మాట్లాడుతూ… కార్తీకదీపం సీరియల్ ఇంత పెద్ద సక్సెస్ అయ్యిందంటే అందుకు కారణం డైరెక్టర్ కాపు గంటి రాజేంద్ర గారని తెలిపారు. ఆయన కాకుండా వేరే డైరెక్టర్ అయి ఉంటే ఈ సీరియల్ ఇంత విజయం సాధించేది కాదు. ఆయనకు ఎప్పుడు ఏ పాయింట్ ప్రేక్షకులకు చూపించాలో అలానే చూపిస్తారు.

మీరు సీరియల్ చూస్తున్నారు కదా అని మేము సాగదీసి పిచ్చిపిచ్చిగా సీరియల్ తీయడం అనేది జరగదు. మాకు ఈ కథపై చాలా నమ్మకం ఉంది. ఈ పాయింట్ స్ట్రాంగ్గా ఉందనిపిస్తే మేము ఆ పాయింట్ పై ప్రో లాంగ్ అవుతామని.. ఇప్పటి వరకు అదే జరిగింది. ఇకపై ఈ సీరియల్ లో ఇలాంటి ఇంట్రెస్టింగ్ పాయింట్స్ చాలానే ఉంటాయి అంటూ ఈ సీరియల్ గురించి డాక్టర్ బాబు క్లారిటీ ఇచ్చారు.