Ekanath & Harika : ప్రొపోజ్ చేయకముందే కిస్ చేసాడు..పెళ్ళైన నెలకే ప్రెగ్నెంట్ అయ్యా.. కానీ అలా అయ్యే సరికి.. ఇద్దరిలో రొమాంటిక్ ఎవరంటే : ఏకనాథ్ & హారిక

Ekanath & Harika : ఈటీవీ ప్లస్ లో వచ్చిన నేను శైలజ సీరియల్ ద్వారా మంచి పేరు తెచ్చుకున్నరు ఏకనాథ్, హారిక. ఏక్ నాథ్ ది విజయవాడ కాగా హారికది కాకినాడ. నేను శైలజ సీరియల్ తరువాత ఇద్దరూ పెళ్లి కూడా చేసేసుకున్నారు. ఇద్దరికీ ఆ సీరీయల్ సమయంలోనే పరిచయం ఏర్పడింది, ఇక ఆ పరిచయం ప్రేమగా మారి పెళ్లి చేసుకున్నారు. పెళ్ళికి ముందు వాళ్ళ ఇంట్లో పెద్దలు ఒప్పుకోక పోవడం జరిగినా ఒప్పించి పెళ్లి చేసుకున్న ఈ జంట ఇక యూట్యూబ్ ఛానెల్ ద్వారా కూడా బాగా పాపులర్ అయ్యారు. వాళ్ళ డైలీ లైఫ్ అలాగే ట్రిప్స్ కి సంబంధిచిన వ్లాగ్స్ చేస్తూ ఫాలోయర్స్ ని పెంచుకుంటూ పోతున్నారు.

మొదట ప్రొపోజ్ చేసింది…

ఇక సీరియల్ లో హీరో హీరోయిన్లుగా నటిస్తున్న సమయంలో ఏక్ నాథ్, హారిక ను ఇష్టపడి లవ్ ప్రపోజ్ చేయాలని అనుకున్నాడు. ఇక ఒకసారి ఇద్దరూ సీరియల్ ఎపిసోడ్ ను ఫోన్ లో చూస్తున్నపుడు హారిక చేయిపై ముద్దు పెట్టి ఐ లవ్ యూ అంటూ చెప్పేసాడట. ఇక తాను ఒకవేళ కోపంగా ప్రవర్తిస్తే తనకు నాపై ఇష్టం లేనట్టు సైలెంట్ గా ఉంటే ఓకే అన్నట్లు అని అనుకున్నాడట ఏక్ నాథ్. ఇక హారిక అలా కిస్ చేయగానే షాక్ అయిపోయి ఏం చేయాలో అర్థం కాలేదు అంటూ సైలెంట్ గా ఉండిపోయానని రీసెంట్ గా యూట్యూబ్ లో ఒక ఛానెల్ కి ఇచ్చిన ఇంటర్వ్యూ లో తెలిపారు.

ఆ సంఘటన తరువాత కొన్నిరోజులు ఇద్దరూ ఆ టాపిక్ గురించి మాట్లాడుకోలేదంటూ చెప్తూ చివరికి హారిక ఏక్ నాథ్ పుట్టినరోజు నాడు రింగ్ ఇచ్చి తన లవ్ ని కూడా తెలిపిందట. అలా ప్రేమించుకున్నాక, పెద్దలను ఒప్పించి గత ఏడాది డిసెంబర్ లో పెళ్లి చేసుకున్నారు. ఇక పెళ్ళైన నెలకే ప్రెగ్నెంట్ అవడంతో మొదట భయపడినా ఆ తరువాత ఓకే అనుకున్నాం అయితే గర్భం ట్యూబ్ లో ఉండటం వల్ల తీసేయాలని లేకపోతే ప్రమాదం అని డాక్టర్ చెప్పడంతో గర్భ స్రావం చేయించుకోవాల్సి వచ్చిందని ఇద్దరూ ఎమోషనల్ అయ్యారు. ఇక ఇద్దరిలో హారిక రొమాంటిక్ అంటూ చెప్పి అలాగే హారిక కు కోపం ఎక్కువ అంటూ ఏక్ నాథ్ చెప్పారు. అలా వారి ప్రేమ ముచ్చట్లను అభిమానులతో పంచుకున్నారు.