Rishabh Pant has a serious injury. Will he come to bat? Sai Sudarshan's key comments!
మాంచెస్టర్, ఇంగ్లాండ్: ఇంగ్లాండ్‌లోని మాంచెస్టర్ వేదికగా జరుగుతున్న నాలుగో టెస్టు మ్యాచ్‌లో భారత్‌కు ఊహించని ఎదురుదెబ్బ తగిలింది. టీమిండియా వైస్ కెప్టెన్ రిషబ్ పంత్ గాయపడడంతో అభిమానులు ఆందోళనకు లోనవుతున్నారు. మ్యాచ్ తొలి రోజు ఆటలో, ఇంగ్లాండ్ పేసర్ క్రిస్ వోక్స్ బౌలింగ్‌కు ఎదురైన సమయంలో పంత్ ఒక బంతిని రివర్స్ స్వీప్ ఆడేందుకు ప్రయత్నించాడు. అయితే ఆ బంతి బ్యాట్‌కు ఎడ్జ్ తీసుకొని నేరుగా అతడి కుడిపాదానికి బలంగా తాకింది.
దీంతో పంత్ తీవ్ర నొప్పితో క్రీజులోనే కుప్పకూలిపోయాడు. వెంటనే ఫిజియో మైదానంలోకి వచ్చి ప్రాథిక చికిత్స అందించినా ఉపయోగం లేకుండా పోయింది. అతడి కుడిపాదం బాగా వాపు చెందినదిగా, రక్తస్రావం జరుగుతున్నట్లు కనిపించింది. పరిస్థితి మరింత గంభీరంగా మారడంతో, గోల్ఫ్ కార్ట్ సహాయంతో మైదానం వెలుపలికి తీసుకువెళ్లారు. రిటైర్డ్ హర్ట్ అయ్యే సమయానికి పంత్ 37 పరుగులు చేశాడు.
ఈ పరిణామం భారత్‌కు గట్టి ఎదురుదెబ్బ అని చెప్పవచ్చు. ముఖ్యంగా ఇంగ్లాండ్‌తో జరిగిన గత మ్యాచ్‌ల్లో అదిరిపోయే ఫామ్‌లో ఉన్న పంత్ గాయపడటం టీమ్ ప్లాన్‌ను తీవ్రంగా ప్రభావితం చేయొచ్చు. రెండో రోజు పంత్ క్రీజులోకి తిరిగి రాకపోతే భారత్ స్కోరుపై తీవ్రమైన ప్రభావం చూపనుంది.
ఈ గాయంపై టీమిండియా యువ ఆటగాడు సాయి సుదర్శన్ కీలక వ్యాఖ్యలు చేశాడు. మ్యాచ్ అనంతరం మీడియాతో మాట్లాడుతూ, పంత్ తీవ్ర నొప్పితో బాధపడుతున్నట్లు తెలిపారు. గాయంపై స్పష్టత కోసం స్కానింగ్‌ కోసం ఆసుపత్రికి తీసుకెళ్లినట్లు వెల్లడించాడు. రాత్రికి నొప్పి తగ్గవచ్చునన్న ఆశాభావాన్ని వ్యక్తం చేస్తూ, గురువారం ఉదయానికి పూర్తి స్థాయిలో క్లారిటీ వస్తుందని తెలిపారు.
“మాంచెస్టర్‌లో పంత్ చక్కగా ఆడాడు. కానీ అతడు మళ్లీ బ్యాటింగ్‌కు రాకపోతే, అది మాకు పెద్ద లోటు. జట్టు స్కోరుపై ఖచ్చితంగా ప్రభావం చూపుతుంది. అయినప్పటికీ మేమంతా మా అత్యుత్తమ ప్రదర్శన ఇవ్వడానికి ప్రయత్నిస్తున్నాం. ఎక్కువసేపు క్రీజులో ఉండేందుకు, మంచి స్కోర్ నమోదు చేయడానికి కృషి చేస్తున్నాం,” అని సాయి సుదర్శన్ పేర్కొన్నాడు.
మ్యాచ్ పరిస్థితుల పరంగా చూస్తే, తొలి రోజు ఆట ముగిసే సమయానికి భారత్ 4 వికెట్లు కోల్పోయి 264 పరుగులు చేసింది. రవీంద్ర జడేజా (19), శార్దూల్ ఠాకూర్ (19) లు క్రీజులో నిలిచారు. బ్యాటింగ్‌లో సాయి సుదర్శన్ (61), యశస్వి జైస్వాల్ (58) అర్థశతకాలతో రాణించగా, కేఎల్ రాహుల్ (46) కూడా కీలక ప్రదర్శన ఇచ్చాడు. అయితే కెప్టెన్ శుభ్‌మన్ గిల్ మాత్రం కేవలం 12 పరుగులకే వెనుదిరిగాడు.
హైదరాబాద్, సికింద్రాబాద్ వంటి జంటనగరాల్లోనే కాకుండా విశాఖపట్నం, విజయవాడ, బళ్ళారి, కాకినాడ, గుంటూరు, కర్నూల్, ఒంగోలు, నెల్లూరు, రాజమండ్రి వంటి…
ప్రతి మహిళ జీవితంలో నెలసరి ఒక సహజమైన శారీరక ప్రక్రియ. ఈ సమయంలో ఉపయోగించే శానిటరీ ఉత్పత్తులు ఆరోగ్యాన్ని, సౌకర్యాన్ని…
భారత క్రికెట్ అభిమానుల్లో అత్యధిక మద్దతు ఉన్న ఆటగాళ్లలో వికెట్ కీపర్ బ్యాటర్ సంజూ శాంసన్ ఒకరు. అతను జట్టులో…
తెలంగాణ ప్రభుత్వం ప్రభుత్వ పాఠశాలల్లో చదివే విద్యార్థులకు మరో కీలక శుభవార్త చెప్పింది. డిజిటల్ విద్యను మరింత బలోపేతం చేయడంతో…
ఆంధ్రప్రదేశ్‌లోని డ్వాక్రా (DWCRA) మహిళలకు రాష్ట్ర ప్రభుత్వం శుభవార్త అందించింది. మహిళా స్వయం సహాయక సంఘాల ఆర్థిక భారం తగ్గించే…
బెంగళూరులోని ప్రముఖ ఐటీ సంస్థ క్యాప్‌జెమిని (Capgemini) క్యాంపస్‌లో ఉన్న డే కేర్ సెంటర్‌లో చిన్నారిపై జరిగిన అమానుష ఘటన…