Mrunal Thakur: ఆ సమయంలో చచ్చిపోవాలనుకున్నా… షాకింగ్కా మెంట్స్ చేసిన నటి మృణాల్‌ ఠాకూర్‌!

Mrunal Thakur: ఎంత పెద్ద హీరో అయినా.. హీరోయిన్ అయినా తమ కెరీర్లో ఎక్కడో ఓ చోట చాలా నిరుత్సాహానికి లోనవుతుంటారు. ముఖ్యంగా అవకాశాలకు ప్రయత్నించే సమయంలో సరైన ఛాన్సులు రాక తీవ్ర డిప్రెషన్ లోకి వెళ్లిపోతుంటారు. ముఖ్యంగా బిగినింగ్ డేస్ లో ఎన్నో సవాళ్లను ఎదుర్కొని ఉంటారు.

అయితే ఒక్కసారి స్టార్ స్టేటస్ వచ్చిన తర్వాత  ఇవన్నీ తీపి గుర్తులుగా మిగిలిపోతుంటాయి. వాటి గురించి కెరీర్లో సక్సెస్ అయిన తర్వాత వెళ్లడిస్తుంటారు. 
తాజాగా హీరోయిన్ మృణాల్‌ ఠాకూర్‌ కూడా తన జీవితంలో ఎదుర్కొన్న సమస్యలను గురించి పంచుకుంది. ‘ సూపర్ 30’ సినిమాలో బాలీవుడ్ కు ఎంట్రీ ఇచ్చింది. తొలి సినిమాతోనే మంచి గుర్తింపు తెచ్చుకంది.

తొలి సినిమా ఇచ్చిన ఊపుతో వరసగా స్టార్ హీరోల సినిమాలకు కమిట్ అవుతోంది. తాజాగా ఓ ఇంటర్వ్యూలో మాట్లాడిన ఈ బ్యూటీ ఆమె జీవితంలో ఎదుర్కొన్న విషయాలను పంచుకుంది. 17-20 ఏళ్ల మధ్య ఎన్నో సవాళ్లను ఎదుర్కొన్నానని.. ఇంటికి దూరంగా ఉన్నానని వెల్లడించింది. 

ట్రైన్ నుంచి దూకాలనే ఆలోచన వచ్చేది..

ముంబైలో ఒంటరిగా జీవించానని.. అది అంత సులభమైన విషయం కాదని వెల్లడించింది. ఒక్కొసారి ఆత్మహత్య చేసుకోవాలనే ఆలోచనలు కూడా వచ్చాయని అంది. చదువుకునే రోజుల్లో లోకల్ ట్రైన్స్ లో ప్రయాణించే దాన్నని.. డోర్ల వద్ద నిలుచుంటే.. ఆ సమయంలో ట్రైన్ నుంచి దూకేస్తే ఎలా ఉంటుందని ఆలోచించేదాన్ని అని చెప్పుకొచ్చింది. ప్రస్తుతం ఈ భామ తెలుగులో హిట్ అయిన జెర్సీ సినిమా హిందీ రిమేక్ ‘జెర్సీ’లో షాహిద్ కపూర్ కు జోడీగా నటిస్తోంది.