Alia Bhatt: బేబీ బంప్‌తో ఎడారిలో ఆలియా భట్.. ఈ సమయంలో అవసరమా అంటూ ట్రోల్స్!

Alia Bhatt: ప్రముఖ బాలీవుడ్ నటి ఆలియా భట్ గురించి ప్రత్యేకంగా పరిచయం చేయాల్సిన అవసరం లేదు. రాజమౌళి దర్శకత్వం వహించిన ఆర్ ఆర్ ఆర్ సినిమా ద్వారా తెలుగు ప్రేక్షకులకు పరిచయమైన ఆలియా భట్ ఈ సినిమా ద్వారా ప్రపంచవ్యాప్తంగా మంచి గుర్తింపు పొందింది. ఇటీవల తన ప్రియుడు రణబీర్ కపూర్ ని పెద్దల సమక్షంలో పెళ్లి చేసుకొని వివాహ బంధంలోకి అడుగుపెట్టింది.

అలియా రణబీర్ పెళ్లి జరిగిన రెండు నెలలకే అలియా భట్ ప్రెగ్నెంట్ అన్న గుడ్ న్యూస్ ని షేర్ చేసింది. దీంతో ఆలియా అభిమానులతో పాటు రణబీర్ కపూర్ అభిమానులు కూడా ఆనందం వ్యక్తం చేస్తున్నారు. అయితే ఆలియా ఇప్పుడు పెళ్లికి ముందు ఒప్పుకున్న సినిమా షూటింగ్ లను పూర్తి చేసే పనిలో బిజీగా ఉంది. తాజాగా ఈ అమ్మడు హార్ట్‌ ఆఫ్‌ స్టోన్‌ అనే హాలీవుడ్‌ సినిమాకు సంబంధించిన షూటింగ్ లో పాల్గొనింది. ఇటీవల ఈ సినిమా షూటింగ్ పోర్చ్‌గల్‌లోని ఎడారి ప్రాంతంలో జరిగింది.

ఈ సినిమా షూటింగ్ కి సంబంధించిన ఫోటోలు ప్రస్తుతం సోషల్ మీడియాలో చెక్కర్లు కొడుతున్నాయి. షూటింగ్‌ జరిగిన సమయంలో కొంతమంది అలియా ఫొటోలు తీసి సోషల్‌ మీడియాలో పోస్ట్‌ చేశారు. ఈ ఫోటోలలో అలియా బేబీ బంప్ అనేది స్పష్టంగా కనిపిస్తోంది. పెళ్లికి ముందు కమిట్ అయిన హార్ట్ ఆఫ్ స్టోన్ సినిమా కోసం ఆలియా బేబీ బంప్ తో ఎడారిలో కష్టపడుతోంది. ఇదిలా ఉండగా తాజాగా ఈ సినిమా షూటింగ్ కి సంబంధించిన ఫోటోలను ఆలియా కూడా ట్విట్టర్ ద్వారా షేర్ చేసింది.

బేబీ బంప్ తో సాహసం చేస్తున్న అలియా…

ఈ ఫోటోలలో ఆలియా తన బేబీ బంప్ కనిపించకుండా బ్లాక్ జాకెట్ నడుముకు కట్టుకుంది. ప్రస్తుతం ఆలియా బేబీ బంప్ తో ఉన్న ఈ ఫోటోలు సోషల్ మీడియాలో వైరల్ గా మారాయి. ఈ క్రమంలోనే ఈ ఫోటోలు చూస్తున్న ఎంతో మంది నెటిజన్లు బేబీ బంప్ తో ఇలాంటి సాహసాలు అవసరమా అంటూ కామెంట్లు చేస్తున్నారు. ఇదిలా ఉండగా అలియా భట్ రణబీర్ కపూర్ కలిసి జంటగా బ్రహ్మాస్త్ర సినిమాలో కూడా నటించారు. ఈ సినిమా కూడా తొందర్లోనే విడుదల కానున్నట్లు సమాచారం. అయితే ఈ సినిమాలో టాలీవుడ్ స్టార్ హీరో అక్కినేని నాగార్జున కూడా ఒక కీలక పాత్రలో కనిపించనున్నాడు.