బిగ్ బాస్ లోకి భార్గవ్… నెట్ ఫ్లిక్స్ లో సినిమా విడుదల అంటూ సంచలన వ్యాఖ్యలు!

ఈ ఏడాది బిగ్ బాస్ సీజన్ ప్రారంభం కాబోతోందని గత కొన్ని నెలల నుంచి పెద్ద ఎత్తున ప్రచారం జరుగుతోంది. ఈ క్రమంలోనే బిగ్ బాస్ సీజన్ 5 గురించి సోషల్ మీడియాలో రోజుకొక వార్తలు చక్కర్లు కొడుతున్నాయి. ఈ క్రమంలోనే ఈ కార్యక్రమం సెప్టెంబర్ 5 నుంచి ప్రసారం కాబోతుందని వార్తలు వినిపించగా.. ఈసారి బిగ్ బాస్ లో పాల్గొనే కంటెస్టెంట్ లు వీలెనంటూ పలువురి పేర్లు సోషల్ మీడియాలో వైరల్ గా మారాయి.

తాజాగా బిగ్ బాస్ కార్యక్రమానికి సంబంధించిన మరో సమాచారం సోషల్ మీడియాలో వైరల్ గా మారింది. యూట్యూబర్ గా మంచి పేరు సంపాదించుకున్నటువంటి భార్గవ్ మైనర్ బాలికపై లైంగిక దాడి చేసి జైలు పాలయిన సంగతి మనకు తెలిసిందే.ఈ క్రమంలోనే జైలు నుంచి బయటకు వచ్చిన భార్గవ్ ఈ సారి బిగ్ బాస్ కంటెస్టెంట్ కి వెళ్ళనున్నారనే వార్తలు సోషల్ మీడియాలో చక్కర్లు కొడుతున్నాయి.

ఈ క్రమంలోనే ఈ వార్తల పై పలువురు నెటిజన్లు స్పందిస్తూ ఈ విధంగా జైలు కెళ్ళి వచ్చిన వాడిని బిగ్ బాస్ కంటెస్టెంట్ గా ఎలా తీసుకుంటారు అంటూ స్పందించారు.ఈ క్రమంలోనే భార్గవ్ గత కొద్ది రోజుల క్రితం చేసిన వీడియో సోషల్ మీడియాలో పెద్దఎత్తున వైరల్ అయింది. అందుకు గల కారణం ఒక సినిమా తీశాడని ఆ సినిమా నెట్ ఫ్లిక్స్ లో విడుదల కాబోతోందని తెలియజేశారు. ఈ క్రమంలోనే ప్రతి ఒక్కరు తనకు సపోర్ట్ చేయాల్సిందిగా భార్గవ్ షేర్ చేసిన వీడియో వైరల్ గా మారింది.

ఈ క్రమంలోనే పలువురు నెటిజన్లు ఈ వీడియో పై స్పందిస్తూ నీలాంటి ఎదవ పనులు చేసేవారికి ఎవరు సపోర్ట్ చేయరని చెప్పగా అందుకు స్పందించిన భార్గవ్ నాకు మాత్రమే సపోర్ట్ ఇవ్వమని చెప్పడం లేదు. నేను చేసే వీడియోలకు సపోర్ట్ ఇస్తే నన్ను నమ్ముకున్న చాలామంది జీవితాలు బాగుపడతాయని ఏదైనా కామెంట్ చేసేటప్పుడు ఒకసారి ఆలోచించి చేస్తే బాగుంటుందని భార్గవ్ రిప్లై ఇచ్చారు. ఏది ఏమైనప్పటికీ ఒక కేసులో అరెస్ట్ అయిన వ్యక్తి బిగ్ బాస్ హౌస్ లోకి వెళ్తున్నారనే వార్త సోషల్ మీడియాలో వైరల్ గా మారింది.