Game Changer: గేమ్ చేంజర్ కోసం ఫస్ట్ ఆప్షన్ రామ్ చరణ్ కాదా… మరి ఎవరంటే?

Game Changer: ఆర్ ఆర్ ఆర్ సినిమా తర్వాత శంకర్ దర్శకత్వంలో మెగా పవర్ స్టార్ రామ్ చరణ్ నటిస్తున్న తాజా చిత్రం గేమ్ చేంజర్. శంకర్ రామ్ చరణ్ కాంబినేషన్లో రూపొందుతున్న ఈ సినిమాపై ప్రేక్షకులు భారీ అంచనాలు పెట్టుకున్నారు. ఇప్పటికే ఈ సినిమా షూటింగ్ 70 శాతం వరకు పూర్తి అయినట్లు తెలుస్తోంది. తాజాగా రామ్ చరణ్ పుట్టినరోజు సందర్భంగా ఈ సినిమా పోస్టర్ విడుదల చేశారు.

ఈ పోస్టర్ ప్రేక్షకులను ఆకట్టుకొని సినిమా మీద అంచనాలను రెట్టింపు చేస్తుంది. ఆర్ ఆర్ ఆర్ సినిమాతో రామ్ చరణ్ రేంజ్ ప్రపంచ వ్యాప్తంగా పాకిపోయింది. దీంతో ఈ సినిమాని పాన్ ఇండియా లెవెల్ లో తెరకెక్కిస్తున్నారు. ఇక ఈ సినిమాకు ప్రముఖ నిర్మాత దిల్ రాజు నిర్మాతగా వ్యవహరిస్తున్నాడు. తాజాగా మీడియా ముందుకి వచ్చిన దిల్ రాజు గేమ్ చేంజర్ గురించి ఆసక్తికర వ్యాఖ్యలు చేశాడు.

ఈ క్రమంలో దిల్ రాజు మాట్లాడుతూ..” మొదట ఇండియన్ 2 సినిమాని నిర్మించాలని అనుకున్నాను. కానీ అది కుదరకపోవడంతో శంకర్ గారు గేమ్ చేంజర్ స్టోరీ ని వినిపించాడు. కథ నచ్చతంతో సినిమా చేయటానికి ఓకే చెప్పాను. ఈ సినిమా ఒక ఎన్నికల అధికారి చుట్టూ తిరుగుతుంది. అందువల్ల ఈ సినిమాని పవన్ కళ్యాణ్ తో తీయాలని శంకర్ గారు అనుకున్నారని దిల్ రాజు తెలిపాడు .

Game Changer:పవన్ కళ్యాణ్ ను వద్దన దిల్ రాజు…

ఈ సినిమాకి పవన్ కళ్యాణ్ కాకుండా రామ్ చరణ్ అయితే సరిగ్గా సరిపోతాడని చెప్పటంతో శంకర్ గారు ఆలోచించి ఈ స్టోరీ ని చరణ్ వినిపించాడు. ఇక ఈ స్టోరీ చరణ్ కి నచ్చటంతో సినిమా చేయటానికి ఒకే చెప్పాడు అంటూ దిల్ రాజు చెప్పుకొచ్చాడు. ఇక ఈ సందర్భంగా సినిమా కోసం శంకర్ అధిక మొత్తంలో ఖర్చు చేయిస్తాడని అందువల్లే దిల్ రాజు శంకర్ కి మధ్య మనస్పర్ధలు ఉన్నాయన్న వార్తల గురించి దిల్ రాజు స్పందించాడు. ఆ వార్తలలో నిజం లేదని దిల్ రాజు క్లారిటీ ఇచ్చాడు.