బిగ్ బాస్ సీజన్ 4లో పాల్గొన్నందుకు గంగవ్వకు ఎంతిస్తున్నారో తెలుసా.?!

బుల్లితెరపై మళ్ళీ బిగ్ బాస్ సీజన్ 4 సందడి మొదలైన సంగతి తెలిసిందే.! అయితే బిగ్ బాస్ షోలో పాల్గొనే కంటెస్టెంట్స్ షో నడిచినన్ని రోజులు ఎవరికీ కాంటాక్ట్ లేకుండా ఉండాలి కాబట్టి వచ్చే కంటెస్టెంట్స్ కూడా మాములుగా తీసుకునే అమౌంట్ కి డబల్ తీసుకుంటారు. బిగ్ బాస్ కూడా అలాగే చెల్లిస్తుంది. అయితే ఈసారి బిగ్ బాస్ కంటెస్టెంట్స్ గా వచ్చిన వాళ్ళు రోజుకి ఎంత తీసుకుంటున్నారో తెలిస్తే ఆశ్చర్యపోతారు. వాస్తవానికి బిగ్ బాస్ లో పాల్గొనే వాళ్ళకి మినిమమ్ రోజుకి 10 వేల నుంచి పేమెంట్ ఉంటుంది. ఎక్కువ ఫేమ్ ఉన్న వాళ్లకి ఎక్కువ ఇస్తారు. తక్కువ ఫేమ్ ఉన్న వాళ్లకి తక్కువగా ఇస్తారు. కానీ మినిమమ్ 10 వేలు ఉంటుంది.

అయితే ఈసారి సీజన్ 4షోలో ఉన్న వాళ్లలో ఎవరు అంత ఫేమస్ కాదు.. యాంకర్ లాస్య అందరికి తెలుసు. లాస్యకి రోజుకి 50 వేలకు పైగానే ఇస్తున్నారు. ఆ తర్వాత కొరియోగ్రాఫర్ అమ్మ రాజశేఖర్ మాస్టర్‌ కి కూడా 40 వేలకు పైగా ఇస్తున్నారు. హీరోయిన్ మోనాల్ గజ్జర్ కి కూడా 40 వేలకు పైగా ఇస్తున్నారు. డైరెక్టర్ సూర్యకిరణ్ కి 10 వేలకు పైగా ఇస్తున్నారు. అభిజిత్ కి 20 వేలకి పైగా ఇస్తున్నారు. జోర్దార్ యాంకర్ సుజాతకి 10 వేలకి పైగా ఇస్తున్నారు. మెహబూబ్ దిల్‌సే కి 10 వేలకి పైగా ఇస్తున్నారు. టీవీ 9 యాంకర్ దేవికి 20 వేలకి పైగా ఇస్తున్నారు. దేత్తడి హారికకి 25 వేలకి పైగా ఇస్తున్నారు. టీవీ యాక్టర్ సయ్యద్ సోహైల్ కి 10 వేలకి పైగా ఇస్తున్నారు. యాంకర్ అరియానా గ్లోరీకి 10 వేలకి పైగా ఇస్తున్నారు. కరాటే కళ్యాణికి 25 వేలకి పైగా ఇస్తున్నారు. సింగర్ నోయల్ కి 40 వేలకి పైగా ఇస్తున్నారు. మోడల్ దివికి 10 వేలకి పైగా ఇస్తున్నారు. అఖిల్ సార్థక్ కి 10 వేలకి పైగా ఇస్తున్నారు. అలాగే ఈమధ్య వైల్డ్ కార్డు ద్వారా ఎంట్రీ ఇచ్చిన కమెడియన్ కుమార్ సాయికి 10 వేలకి పైగా ఇస్తున్నట్టు తాజా సమాచారం. వీళ్లందరికన్నా ముఖ్యంగా హోస్ట్ చేసే కింగ్ నాగార్జునకు షో మొత్తానికి కలిపి 8 కోట్ల రూపాయలు ఇవ్వనున్నట్లు తెలిసింది.

అయితే బిగ్ బాస్ కంటెస్టెంట్స్ కు సంభందించిన ట్విస్ట్ ఏమిటంటే.. ఇంత వరకు ఏ భాషలోను బిగ్ బాస్ సీజన్స్ లో కనిపించని సంఘటన తెలుగు బిగ్ బాస్ సీజన్ 4లో జరగడం బుల్లితెర ప్రేక్షకులకు ఒకింత ఆశ్చర్యానికి గురి చేసింది. అదేమిటంటే.. బిగ్ బాస్ అంటేనే అందమైన ముద్దుగుమ్మలు.. యంగ్ & డైనమిక్ కుర్రాళ్ళ తో సరదాలు.. సందడి.. రొమాన్స్..కాంట్రవర్సీలు.. అని అందరూ ఫిక్సైపోయారు. అలాంటి బిగ్ బాస్ లో మొదటి సారిగా 60 ఏళ్ళ వయసున్న ఒక పల్లెటూరు వ్యక్తి, చదువుకోని గంగవ్వను బిగ్ బాస్ సీజన్ 4లోకి తీసుకోవడం పెద్ద ప్రయోగమని చెప్పాలి. అంతేకాకుండా ఈ షోలో గంగవ్వ ఒక ప్రత్యేక ఆకర్షణగా నిలిచింది. చాలామంది గంగవ్వ కోసమే బిగ్ బాస్ చూస్తున్నారంటే అతిశయోక్తి కాదేమో.! మొదటి వారమే గంగవ్వకు 2 కోట్లకు పైగా ఓట్లు వచ్చాయంటే ఆమెకున్న గుర్తింపు ఏపాటిదో అర్ధం చేసుకోవచ్చు.

అందుకే ప్రతి ఒక్కరూ గంగవ్వకు మద్దతు ఇవ్వటానికి సిద్ధపడుతున్నారు. గంగవ్వ వలెనే బిగ్ బాస్ షో నిర్వాహకులు మంచి లాభాలను పొందుతున్నారు. కాబట్టి ప్రస్తుతం ఆమెకున్న క్రేజ్ ను దృష్టిలో పెట్టుకుని గంగవ్వ కు బిగ్ బాస్ లో వారానికి 3 లక్షల పారితోషికం ఇస్తున్నారట. బిగ్ బాస్ షోలో పాల్గొంటూ సంపాదించిన ఆ డబ్బుతో సొంత ఇల్లు కట్టుకోవాలని గంగవ్వ కళలు కంటుందంట. మరి మనం కూడా గంగవ్వ ఆశ నెరవేరాలని మనస్ఫూర్తిగా కోరుకుందాం.