Kiraak RP: వామ్మో జబర్దస్త్ కమెడియన్ కిరాక్ ఆర్పీ ఇంటికి చూశారా… ఇంద్ర భవనాని తలపిస్తున్న ఆర్పీ ఇల్లు!

Kiraak RP: బుల్లితెరపై ప్రసారమౌతున్న జబర్దస్త్ కార్యక్రమం ఎంతోమందికి లైఫ్ ఇచ్చిందని చెప్పాలి.ఈ కార్యక్రమం ద్వారా ఎంతో మంది కమెడియన్స్ మంచి గుర్తింపు సంపాదించుకొని వారి కెరియర్లో దూసుకుపోతున్నారు.ఇలా జబర్దస్త్ ద్వారా ఎంతో మంచి గుర్తింపు సంపాదించుకున్న వారిలో కిరాక్ ఆర్పీ ఒకరు. ఆర్పీ తనదైన శైలిలో ప్రత్యేకమైన యాస ద్వారా అద్భుతమైన కామెడీ స్కిట్లు చేస్తూ అందరినీ ఆకట్టుకున్నారు.

ఇకపోతే ప్రస్తుతం ప్రతి ఒక సెలబ్రిటీ సోషల్ మీడియా వేదికగా యూట్యూబ్ ఛానల్ స్టార్ట్ చేసి హోమ్ టూర్ చేయడం మనం చూస్తున్నాము. ఈ క్రమంలోనే కిరాక్ఆర్పీ కూడా తన హోమ్ టూర్ చేసి తన ఇంటిని చూపించారు. ప్రస్తుతం ఆర్పీ హోమ్ టూర్ కి సంబంధించిన వీడియో సోషల్ మీడియాలో వైరల్ గా మారింది.

కిరాక్ ఆర్పీ హోమ్ టూర్ వీడియో చూస్తే మాత్రం కళ్ళు తిరగడం ఖాయం. అచ్చం ఇంద్ర భవనాన్ని తలపించేలా
ఆర్పీ ఇల్లు ఉంది. ఎంతో విలాసవంతమైన హాల్, డైనింగ్, కిచెన్ బెడ్ రూమ్స్ అన్నింటిని వారి అభిరుచికి అనుగుణంగా ఎంతో అందమైన ఇంటీరియర్ డిజైన్ తో తయారు చేయించారు. ఇక హాల్లో టీవీతో పాటు తనకు వచ్చిన అవార్డులను కూడా అందంగా అలంకరించి పెట్టారు.

కాబోయే భార్యను పరిచయం చేసిన ఆర్పీ…

రెండంతస్తులలో ఉన్నటువంటి ఆర్పీ ఇంటిలో లిఫ్ట్ సౌకర్యంతో పాటు ప్రత్యేకంగా హోమ్ థియేటర్ కూడా ఏర్పాటు చేసుకున్నారు.ఇక ఈ హోమ్ టూర్ లో భాగంగా ఆర్పీ తాను ప్రేమించిన అమ్మాయి ఫోటోని కూడా అందరికీ చూపించారు. ఆ అమ్మాయితో తన అభిరుచులు కలవడం వల్ల ఇద్దరూ ప్రేమించుకున్నామని, పెళ్లికి పెద్దలు గ్రీన్ సిగ్నల్ కూడా ఇచ్చారని, నెక్స్ట్ మంత్ ఎంగేజ్మెంట్ ఉంటుందని ఆర్పీ తాను ప్రేమించిన అమ్మాయిని ఈ సందర్భంగా పరిచయం చేశారు. అలాగే టెర్రస్ పై తాను ఎంతో ఇష్టంగా పెంచుకున్న మొక్కలను కూడా చూపించారు. ప్రస్తుతం ఆర్పీ ఇంటికి సంబంధించిన ఈ వీడియో సోషల్ మీడియాలో వైరల్ గా మారడంతో ఎంతోమంది ఈయన ఇంటిని చూసి చాలా అద్భుతంగా ఉంది అంటూ కామెంట్స్ చేస్తున్నారు.