Hero Suman: ఇండస్ట్రీకి పెద్దరికం అవసరం లేదు.. అదంతా అబద్ధం.. సుమన్ సంచలన వ్యాఖలు !

Hero Suman: మొన్న మెగస్టార్ చిరంజీవి చేసిన వ్యాఖ్యలు ఇప్పుడు వైరల్ గా మారాయి. సినీ పెద్దగా తాను ఉండను అని.. అండగా ఉంటానని అని చెప్పిన చిరంజీవి వ్యాఖ్యలు హాట్ టాపిక్ గా మారాయి. ఇదే అంశం మా అధ్యక్ష ఎన్నికల సమయంలో కూడా ప్రస్తావన వచ్చింది.

ఎన్నికల తర్వాత ఎవరూ మాట్లాడలేదు. చిరంజీవి మరోసారి ఇలా మాట్లాడటంతో దీనిపై సినీ పెద్దలు వివిధ రకాలుగా స్పందిస్తున్నారు. మోహన్ బాబు సినీ పరిశ్రమ కష్టాలను తీర్చండి అంటూ ఓ పెద్ద లేఖను జగన్ సర్కారుకు రాసిన విషయం తెలిసిందే. ఇండస్ట్రీ అంటే నలుగురు హీరోలు, నలుగురు ప్రొడ్యూసర్లు, నలుగురు డిస్ట్రిబ్యూటర్లు మాత్రమే కాదని వేల కుటుంబాలు, జీవితాలంటూ లేఖలో పేర్కొ‍న్నాడు.

దాంతోనే మళ్లీ సినీ పెద్ద ఎవరనే దానిపై చర్చ కొనసాగింది. తాజాగా సీనియర్‌ నటుడు, హీరో సుమన్‌ ఈ విషయంపై ఆసక్తికర వ్యాఖ్యలు చేశాడు. అతడు తిరుపతిలో జరిగిన విలేకురుల సమావేశంలో మాట్లాడారు. తాను సినీ పరిశ్రమకు వచ్చి దాదాపు 44 ఏళ్లు పూర్తయిందని.. 600 సినిమాలను తాను 10 భాషల్లో నటించానన్నాడు. ఎలాంటి సహాయ సహకారాలు లేకుండా స్వయంకృషితో ఎదిగానన్నాడు.

ఆ విషయంలో వాస్తవం లేదు…సుమన్ వ్యాఖ్యలు వైరల్..

ఇంత కాలం నుంచి చూస్తున్న సినిమా రంగంలో ఐక్యత లేదనడంలో ఎలాంటి వాస్తవం లేదన్నాడు. కృష్ణంరాజు, మురళీమోహన్, కృష్ణ లాంటి సీనియర్లు సినీ పరిశ్రమలో ఉన్నారన్నారు. ఏదైనా సమస్య ఉంటే.. వారి సలహా తీసుకోవాలన్నారు. ఈ సినీ పరిశ్రమలో ఏ ఒక్కరికో పెద్దరికం కట్టబెట్టడం కరెక్ట్ కాదని.. అన్ని వర్గాల వారిని దృష్టిలో పెట్టుకొని సినిమా టికెట్ల వ్యవహారాన్ని ప్రభుత్వం పరిష్కరించాలన్నారు. ప్రస్తుతం సుమన్ చేసిన ఈ వ్యాఖ్యలు వైరల్ గా మారాయి.