Heroine Ester : తన కెరీర్ కోసం నన్ను వాడుకొన్నాడు… బిగ్ బాస్ లో నా డివోర్స్ గురించి చెప్పాల్సిన పనేముంది : ఎస్తర్

Heroine Ester : ‘వెయ్యి అపద్ధాలు’ సినిమాతో ఇండస్ట్రీ లోకి అడుగుపెట్టిన ఎస్తర్ ఆ తరువాత ‘భీమవరం బుల్లోడు’ సినిమాతో మంచి హిట్ ను తన ఖాతాలో వేసుకుంది. ఎస్తర్ సినిమాలు చేస్తూనే రాపర్, సింగర్ నోయెల్ ను ప్రేమించి పెళ్లి చేసుకుంది. అయితే మొదట్లో బాగానే ఉన్నా వ్యక్తిగత కారణాలతో ఇద్దరూ విడాకులు తీసుకుని విడిపోయారు. విడిపోయాక ఎస్తర్ మళ్ళీ సినిమాల్లో బిజీగా ఉంది. అయితే ఇప్పటికీ నోయెల మాజీ భార్య అంటూ చాలా వెబ్ సైట్స్ లో రాయడం వంటి వాటిపై స్పందించారు ఎస్తర్. ఇక బిగ్ బాస్ షో గురించి కామెంట్స్ చేసింది.

నా డివోర్స్ తో బిగ్ బాస్ వాళ్లకు పనేంటి…

సోషల్ మీడియాలో నెగెటివిటీకే ప్రచారం ఎక్కువ. జనాలు కూడా ఒకరి లైఫ్ లో నెగెటివ్ విషయాల గురించి తెలుసుకోవాలనే ఉత్సాహం చూపుతారు కానీ పాజిటివ్ అంశాలను చూడాలని అనుకోవడం లేదు. యూ ట్యూబ్ ఛానెల్స్ లో ఉన్నదీ లేనిదీ కలిపి ఒకరి జీవితం లోని బాధాకరం విషయాలను బాగా హైలైట్ చేసి చూపుతుంటారు, అలాంటి వాటిని చూసి జనాలు కూడా ఎంజాయ్ చేస్తున్నారు. వీళ్ళు చూస్తున్నారని యూట్యూబ్ ఛానెల్స్ అలాంటి వార్తలను రాస్తారా లేకపోతే వాళ్ళు రాస్తున్నారు కాబట్టి ఇలాంటి వార్తలను జనాలు చూస్తున్నారా అంటే కోడి ముందా గుడ్డు ముందా అనే ప్రశ్నలాగా తయారవుతుంది.

ఇప్పటికీ నన్ను నోయెల్ మాజీ భార్య అనడంలో వారికి వచ్చే ఆనందం ఏమిటో అర్థం కాదు, నా కొత్త సినిమా ట్రైలర్ కింద నోయెల్ మాజీ భార్య కొత్త సినిమా ట్రైలర్ అని ఉంది, ఆ వీడియో లింక్ ను మళ్ళీ నాకే పెడతారు. ఎందుకు అలా నోయెల్ మాజీ భార్య అనే ట్యాగ్ అంటే అతను బిగ్ బాస్ వెళ్లొచ్చాడు కదా అంటూ చెప్తున్నారు. వివాదాలతో అయినా సరే ఫేమస్ అయితే చాలు అనే ధోరణి ఇప్పుడు ఎక్కువ ఉంది కానీ నేను అలా భావించడం లేదు. నా పనికి గుర్తింపు వచ్చి అలా నేను ఫేమస్ అయితే ఆనందిస్తా కానీ ఇలా నా విడాకుల ఇష్యూ వల్ల ఫేమ్ వస్తుందంటే అది నాకు వద్దు. బిగ్ బాస్ లో మా డివోర్స్ గురించి ఎందుకు అంటూ ఎస్తర్ అభిప్రాయపడింది.