Heroine Samantha: ఆ ఇంజక్షన్లు తీసుకుంటున్న సమంత.. ఇప్పుడు తన ఆరోగ్య పరిస్థితి ఎలా ఉందంటే?

Heroine Samantha: టాలీవుడ్ ఇండస్ట్రీకి చెందిన స్టార్ హీరోయిన్ సమంత గత కొన్ని రోజుల నుండి మయోసైటిస్ అనే వ్యాధితో బాధపడుతుంది. ఏడాది కిందట నుంచి సమంత వ్యక్తిగతంగా హాట్ టాపిక్ గా మారిన సంగతి తెలిసిందే. నాగచైతన్యతో విడాకులు తీసుకున్న తర్వాత సమంత సినిమాల పరంగా కాస్త దూకుడు తగ్గించింది. ఆ తర్వాత మళ్లీ యాక్టివ్ గా మారి వరుస అవకాశాలు అందుకుంది.

అలా గత ఏడాది యశోద సినిమా విడుదల కాగా ఈ సినిమా విడుదల సమయంలో తను మయోసైటిస్ అనే అరుదైన వ్యాధితో బాధపడుతున్న విషయాన్ని సోషల్ మీడియా ద్వారా తెలిపింది. దీంతో అప్పటినుంచి సమంత ఇంట్లోనే ఉండి ఆ వ్యాధికి చికిత్స తీసుకుంటుంది. అప్పటికే పలు సినిమాలకు సైన్ చేయగా ఆ సినిమాల కోసం బాగా కష్టపడుతుంది.

ఇక జిమ్ములో ఎప్పుడు వర్కౌట్లు చేస్తూ మరింత కష్టపడుతుంది. ఇక తను వర్కౌట్లు చేస్తున్న వీడియోలను కూడా ఇన్స్ స్టా లో పంచుకుంటూ ఉంది. దీంతో చాలామంది ఈ సమయంలో ఇలా చేయకూడదు అంటూ సలహాలు కూడా ఇస్తున్నారు. కానీ తన వృత్తి కోసం ఏ కష్టాన్ని కూడా వదలకుండా ఇష్టంగా చేస్తుంది. ఓ వైపు సినిమాలు చేస్తూనే మరోవైపు తన వ్యాధికి సంబంధించిన చికిత్స తీసుకుంటుంది.

Heroine Samantha:

తన వ్యాధికి సంబంధించి నెలవారీ ఐవీఐజీ ఇంజక్షన్ తీసుకుంటున్నట్లు తెలిసింది. దానికోసం సమంత రెండు నుంచి నాలుగు గంటలు కష్టపడుతుందని తెలిసింది. ప్రస్తుతం తన ఆరోగ్యం కుదుటగానే ఉన్నట్లు తెలిసింది. ఇక సమంత ప్రస్తుతం శాకుంతలం సినిమాతో పాటు సిటాడెల్, ఖుషి సినిమాలలో కూడా నటిస్తుంది. ఇక శాకుంతలం సినిమా ఈనెల విడుదల కావాల్సి ఉండగా వాయిదా పడింది. దీంతో ఏప్రిల్ 17న ఈ సినిమా విడుదల కానుంది