Chiranjeevi: హాలీవుడ్ చిత్రం హెవెన్ కెన్ వెయిట్.. చిత్రం ఆధారంగా తెరకెక్కిన చిరంజీవి యముడికి మొగుడు!

Chiranjeevi: రవిరాజా పినిశెట్టి దర్శకత్వంలో మెగాస్టార్ చిరంజీవి, రాధ, విజయశాంతి జంటగా నటించిన చిత్రం యముడికి మొగుడు.ఈ సినిమా బాక్సాఫీస్ వద్ద ఎలాంటి విజయాన్ని అందుకుందో అందరికీ తెలిసిందే.ఈ సినిమాలో కీలక పాత్రలో నటించిన నటుడు జి వి నారాయణ రావు ఒక ఇంటర్వ్యూలో పాల్గొని ఈ సినిమా గురించి పలు ఆసక్తికరమైన విషయాలను వెల్లడించారు.

ఈ సందర్భంగా జి.వి నారాయణ మాట్లాడుతూ ఈ సినిమా స్క్రిప్ట్ రచనలో భాగంగా తనకు భాగం ఉందని తెలియజేశారు. నిజానికి ఈ సినిమాని హాలీవుడ్ చిత్రం
 ‘హెవెన్ కెన్ వెయిట్’ఆధారంగా తెరకెక్కించామని తెలిపారు. ఈ సందర్భంగా ఆయన మాట్లాడుతూ ఈ కథను సత్యానంద తాను కలిసి స్క్రిప్ట్ పనులు పూర్తిచేశామని ఆయన తెలియజేశారు.

నిజానికి ఈ హాలీవుడ్ చిత్రాన్ని సజెస్ట్ చేసింది నాగబాబు అని ఈ కథ నచ్చడంతో ఇలాంటి కథలను వ్రాయడంలో డి.వి.నరసరాజు బాగా అనుభవం ఉండటంతో ఆయన వద్దకు వెళ్ళాము. అయితే ఆయన ఇప్పటికే ఇలాంటివి ఆరు సినిమా కథలను రాసినట్లు తెలిపారు. అయితే ఈ చిత్రంలో వాటికి భిన్నంగా ఒక మనిషిలోకి మరొకరు రావడం అనే పాయింట్ ఆధారంగా తెరకెక్కించామని తెలిపారు.

ఆర్థికంగా నిలదొక్కుకున్న నిర్మాతలు…

ఈ ప్రపంచంలో మనుషులను పోలిన మనుషులు ఏడు మంది ఉంటారని అలా ఒకే పోలికలతో ఉన్న ఇద్దరిలో ఒకరు మరొకరి శరీరంలోకి ప్రవేశించే పాయింట్ ను తానే చెప్పినట్లు జీవి నారాయణ తెలియజేశారు.ఇలా ఈ సినిమా ఎంతో అద్భుతంగా వచ్చిందని ఈ సినిమా నిర్మాతలకు మంచి లాభాలను తీసుకువచ్చిందని జీవి నారాయణ తెలియజేశారు.