శ్రీముఖి చెంప చెల్లుమనిపించిన అవినాష్.. వాళ్ల అమ్మ, తమ్ముడు ముందే ఇలా..!

ప్రస్తుతం తెలుగులో టాప్ యాంకర్లలో ఒకరైన శ్రీముఖి గురించి ప్రత్యేకంగా చెప్పాల్సిన పని లేదు. తన యాంకరింగ్ తో మంచి క్రేజ్ సంపాదించుకుంది ఈ ముద్దుగుమ్మ. వెండితెరపై కూడా పలు సినిమాలలో నటించి మంచి గుర్తింపు తెచ్చుకుంది ఈ క్రేజి బ్యూటీ.

బుల్లితెరపై కూడా వరుస షోలు చేస్తూ బిజీ బిజీగా గడిపేస్తుంది. ఇటీవల విడుదలైన ‘క్రేజీ అంకుల్స్’ సినిమాలో ఆమె ప్రధాన పాత్రలో నటించిన విషయం తెలిసిందే. అయితే ఈ సినిమాపై వివాదాలు మూటకట్టుకున్నాయి. మహిళా సంఘాలు దీనిపై ఆందోళన వ్యక్తం చేశారు.

దీంతో ఆ సినిమా అంత పెద్ద హిట్ అవ్వలేదనే చెప్పాలి. ఇదిలా ఉండగా.. శ్రీముఖి తన ఇన్ స్టాగ్రామ్ లో ఓ వీడియోను పోస్ట్ చేశారు. అందులో శ్రీముఖి వంటలక్కగా.. ముక్కు అవినాష్ డాక్టర్ బాబుగా కనిపించారు. వీరిద్దరు మంచి స్నేహితులన్న సంగతి తెలిసిందే. వీరిద్దరు ఎక్కడ ఉంటే అక్కడ సందడి సందడిగా గడిపేస్తుంటారు. వీటిలో భాగంగానే ఇద్దరు కలిసి కార్తీకదీపం సీరియల్ కు సంబంధించి రీల్ చేసి వీడియోను పోస్టు చేశారు. దీనిలో అవినాష్.. శ్రీముఖి చెంప చెల్లుమనిపిస్తాడు.

ఈ సీన్ లో పక్కనే శ్రీముఖి తమ్ముడు, అమ్మ కూడా ఉన్నారు. ‘అయితే ట్రీట్ మెంట్ తీసుకోను అంటావా’.. అంటూ అవినాష్ ..శ్రీముఖిని అడగ్గా ఆమె ‘తీసుకోను’ అని సమాధానం చెబుతుంది.. ఈ సీన్ చివరకు.. శ్రీముఖి అదేవిధంగా ప్రవర్తించడంతో అవినాష్ శ్రీముఖి చెంప చెల్లుమనిపించి.. ‘నిన్ను కొట్టే హక్కు మొగుడికే ఉంటుంది’ అంటూ చెబుతాడు అవినాష్. అయితే ఈ వీడియో కాస్త వైరల్ గా మారింది. ఈ వీడియో చూసిన నెటిజన్లు వీరి పర్ఫామెన్స్ కు తప్పకుండా అవార్డు ఇవ్వాల్సిందే అంటూ పెద్ద ఎత్తున కామెంట్లు చేస్తున్నారు.