Sai Pallavi: అలాంటి దుస్తులు వేసుకోకూడదని ఆ క్షణమే నిర్ణయం తీసుకున్నా.. డ్రెస్సింగ్ స్టైల్ పై సాయిపల్లవి ఓపెన్ కామెంట్స్!

Sai Pallavi: నాచురల్ బ్యూటీ సాయిపల్లవి నటించిన విరాటపర్వం సినిమా జూన్ 17వ తేదీ విడుదల కావడంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు.ఈ సినిమా ప్రమోషన్ కార్యక్రమాల్లో భాగంగా పలు ఇంటర్వ్యూలలో పాల్గొన్న సాయి పల్లవి తనకు సంబంధించి ఎన్నో ఆసక్తికరమైన వ్యక్తిగత విషయాల గురించి తెలియజేశారు. ఈ క్రమంలోనే ఎన్నో విషయాలను అభిమానులతో పంచుకునే ఈమె తన డ్రెస్సింగ్ స్టైల్ గురించి కూడా తెలిపారు.

సాయి పల్లవి అంటేనే ఎంతో నిండుదనంగా దుస్తులను ధరించి మనకు కనిపిస్తారు. అయితే ఈమె సినిమాలలో ఎప్పుడూ కూడా పొట్టి దుస్తులను ధరించి ఉండటం మనం చూడలేదు.ఈ విధంగా పొట్టి దుస్తులు ధరించకపోవడానికి గల కారణం ఏమిటి అనే విషయాన్ని ఈ సందర్భంగా సాయి పల్లవి వెల్లడించారు. తాను గ్లామర్ షో కి వ్యతిరేకం కాదని, పొట్టి బట్టలు వేసుకోవడం తప్పు అని తాను చెప్పడం లేదని సాయిపల్లవి తెలిపారు.

తాను నటిగా సినిమా ఇండస్ట్రీలోకి అడుగు పెట్టిన రోజే ఇలాంటి దుస్తులు వేసుకోకూడదని నిర్ణయం తీసుకున్నాను .అయితే ఈ నిర్ణయం వెనుక ఏదో బలమైన కారణం ఉందని తెలిపారు. తాను వైద్య విద్య కోసం జార్జియా వెళ్ళినప్పుడు అక్కడ టాంగో డాన్స్ నేర్చుకున్నాను.అయితే ఈ డాన్స్ చేయడానికి అనుగుణంగా ఉన్న దుస్తులు మాత్రమే ధరించాలి.

గ్లామర్ షో కి వ్యతిరేకం కాదు…

ఈ విధంగా ఈ డాన్స్ చేసేటప్పుడు పొట్టి దుస్తులను ధరించాలి. ఇక ఈ డాన్స్ కి సంబంధించిన వీడియో సోషల్ మీడియాలో వైరల్ గా మారింది.ఈ వీడియో చూసిన ఎంతో మంది నెటిజన్లు తన వస్త్రధారణ గురించి ఎన్నో కామెంట్లు చేశారు.ఇక ఆ కామెంట్లు చూసిన ఆ క్షణమే తాను ఇకపై అలాంటి దుస్తులు ధరించకూడదనే నిర్ణయం తీసుకున్నానని సాయి పల్లవి ఈ సందర్భంగా తెలిపారు.