Nikhil: నిఖిల్ ప్రపోజ్ చేసిన నేను నమ్మలేదు… ఇంట్రెస్టింగ్ కామెంట్స్ చేసిన నిఖిల్ భార్య పల్లవి!

Nikhil: హ్యాపీడేస్ చిత్రం ద్వారా తెలుగు ప్రేక్షకులకు పరిచయమైన నటుడు నిఖిల్ ఆ తర్వాత ఎన్నో అద్భుతమైన చిత్రాలను ద్వారా ఇండస్ట్రీలో కొనసాగుతున్నారు. ఈ క్రమంలోనే నిఖిల్ 2020సంవత్సరంలో తాను ప్రేమించిన అమ్మాయి డాక్టర్ పల్లవిని వివాహం చేసుకున్న సంగతి మనకు తెలిసిందే. అయితే ఇప్పటివరకు నిఖిల్ తన భార్యతో కలిసి ఏ ఇంటర్వ్యూలలో పాల్గొనలేదు.

మొదటిసారిగా వాలెంటైన్స్ డే సందర్భంగా నిఖిల్ తన భార్యతో కలిసి ఇంటర్వ్యూలో పాల్గొని ఎన్నో ఆసక్తికరమైన విషయాలను వెల్లడించారు. ఈ క్రమంలోనే నిఖిల్, పల్లవి గురించి ఎన్నో ప్రశ్నలు అడుగుతూ వారి గురించి ఆసక్తికరమైన సమాధానాలు రాబట్టారు. ఈ క్రమంలోనే ఒక డాక్టర్ మరొక యాక్టర్ మధ్య ప్రేమ ఎలా చిగురించింది అనే విషయాలను ఇంటర్వ్యూలో వెల్లడించారు.

ఇక ఈ ఇంటర్వ్యూలో భాగంగా యాంకర్ వీరిద్దరిని ఎన్నో ప్రశ్నలు అడిగారు అసలు ఎక్కడ పరిచయం ఏర్పడింది మీ ఇద్దరికీ అని అడగగా నిఖిల్ పార్టీలో చూశానని అక్కడున్న వారందరి లో చాలా స్పెషల్ గా కనిపించడంతో తన వెనకే తిరిగాననీ నిఖిల్ ఇంటర్వ్యూలో చెప్పుకొచ్చారు.ఇక ఇన్స్టాగ్రామ్ ద్వారా తనతో చాటింగ్ చేస్తూ అలా ఫోన్ నెంబర్ తీసుకున్నట్లు కూడా తెలియజేశారు.

పల్లవి స్మైల్ అంటే ఇష్టం..

మొట్టమొదటిసారి నిఖిల్ ని కలిసిన తర్వాత ఆయనతో మాట్లాడగా తను నాకు ప్రపోజ్ చేశారని, ఇలా నిఖిల్ ప్రపోజ్ చేసినప్పుడు నేను నమ్మలేదని పల్లవి ఈ సందర్భంగా తెలియజేశారు. ఎందుకు నమ్మలేదు అని ప్రశ్నించగా ఎందుకో అలా జరిగిపోయింది ఆయన సీరియస్ గా తీసుకోలేదేమో అనుకున్నాను అంటూ పల్లవి ఈ ఇంటర్వ్యూలో తెలియజేశారు. అదేవిధంగా వీరిద్దరి మధ్య ఉన్న అనుబంధం గురించి ఎన్నో ఆసక్తికరమైన విషయాలను ఇంటర్వ్యూ ద్వారా చెప్పుకొచ్చారు. పల్లవిలో మీకేం నచ్చింది అని ప్రశ్నించగా తన నవ్వు చాలా ఇష్టం అసలు కోప్పడదూ అంటూ నిఖిల్ తన భార్య గురించి చెప్పుకొచ్చారు.