Kaushal Manda: ఉదయ్ కిరణ్ ని ఎప్పటికి మర్చిపోలేను.. కౌశల్ కామెంట్స్ వైరల్!

Kaushal Manda: బుల్లితెర సీరియల్ నటుడిగా ఎంతో మంచి గుర్తింపు సంపాదించుకున్న కౌశల్ వెండితెరపై పలు సినిమాలలో నటిస్తూ మంచి గుర్తింపు పొందారు. ఈ విధంగా వెండితెరపై బుల్లితెరపై ఎంతో మంచి గుర్తింపు పొందిన కౌశల్ బిగ్ బాస్ సీజన్ 2 విజేతగా మరింత ఫ్యాన్ ఫాలోయింగ్ సంపాదించుకున్నారు.

ఈయన బిగ్ బాస్ హౌస్ లో ఉన్నన్ని రోజులు ఈయనకు బయట ఏ విధమైనటువంటి క్రేజ్ ఉండేదో ప్రత్యేకంగా చెప్పాల్సిన పని లేదు. ఈయన కోసం ఏకంగా ఆర్మీ ఏర్పడటంతోనే ఈయనకు ఎలాంటి క్రేజ్ ఉందో అర్థమవుతోంది. ఇలా బిగ్ బాస్ తర్వాత ప్రస్తుతం పలు చిత్రాల్లో నటిస్తున్న కౌశల్ తాజాగా ఒక ఇంటర్వ్యూలో పాల్గొన్నారు.

ఈ ఇంటర్వ్యూలో భాగంగా కౌశల్ ఎన్నో విషయాల గురించి ముచ్చటించారు. ఇకపోతే ఈయన వెండితెరపై నటించిన సినిమాల గురించి కూడా ప్రస్తావించారు.ఇప్పటివరకు ఎన్నో సినిమాలలో నటించారు. ఎవరితో మీకు మంచిగా అనిపించిందనే ప్రశ్న ఎదురవడంతో తనకు ఉదయ్ కిరణ్ కి మధ్య మంచి సాన్నిహిత్యం ఉండేదని తాను ఎక్కువగా ఉదయ్ కిరణ్ నటించిన సినిమాలలో నటించానని తెలిపారు. ఉదయ్ కిరణ్ నటించిన 14 సినిమాలలో నేను తొమ్మిది సినిమాల్లో నటించానని తెలిపారు.

తన కుటుంబ సభ్యులు మర్చిపోయినా.. నేను మర్చిపోను..

ఉదయ్ కిరణ్ తో తనకి ఎంతో మంచి అనుబంధం ఉండేదని అందుకే ఈ ప్రపంచం మొత్తం ఉదయ్ కిరణ్ ని మర్చిపోయిన తాను మాత్రం ఎప్పటికీ మర్చిపోనని ఇప్పటికీ తన పుట్టినరోజున,తన డెత్ యానివర్సరీ రోజున సోషల్ మీడియాలో పోస్ట్ పెట్టే ఏకైక వ్యక్తి కౌశల్ అంటూ ఉదయ్ కిరణ్ పై తనకున్న అభిమానం గురించి తెలియజేశారు. తన కుటుంబ సభ్యులు ఉదయ్ కిరణ్ ను మర్చిపోయినా తాను మాత్రం ఎప్పటికీ మర్చిపోనని ఈ సందర్భంగా కౌశల్ ఉదయ్ కిరణ్ పై తనకున్న అభిమానాన్ని తెలియజేశారు.