ప్రియమణి బికినీ ఫొటోలు బయటపడకుండా జాగ్రత్త పడ్డాను: నిర్మాత డీఎస్ రావు

ప్రముఖ నటి ప్రియమణిని బలవంతపెట్టి మరీ ఓ సినిమాలో స్విమ్ సూట్ వేయించాము. అదంతా ఓ పెద్ద కథ అని సినీ నిర్మాత డి.ఎస్.రావు తెలిపారు. ఓ రోజు డైరెక్టర్‌ ఆమెను పిలిచి, నువ్వు ఒప్పుకుంటే ఇలా స్విమ్ సూట్ వేయిస్తాము. ఒక సోలో సాంగ్ ఉంది. బాగా వస్తుంది అని చెప్పినట్టు ఆయన అన్నారు.

అప్పుడు ప్రియమణి ఒక 5నిమిషాలు టైం ఇవ్వండి అని చెప్పి అక్కడి నుంచి వెళ్లిపోయింది. క్యారవాన్ లో ఎక్కి వాళ్ల అమ్మగారితో ఏదో మాట్లాడి అక్కడి నుంచి మళ్లీ వచ్చి, ఓకే అనిందని ఆయన చెప్పుకొచ్చారు. ఈ సంఘటన తర్వాత చాలా మంది డీఎస్ రావు దగ్గర డబ్బు గుంజిన ప్రియమణి అని, ఇంకా ఏవో కామెంట్లతో తప్పుడు ప్రచారం చేశారని ఆయన చెప్పారు.

ఆ తర్వాత అవన్నీ చూడలేక తానే ఓ ప్రెస్‌మీట్ పెట్టి క్లియర్‌గా చెప్పానని, ఆ అమ్మాయి అసలు మనీ గురించి ఏం మాట్లాడలేదు. ఆమెకు ఇంట్రస్ట్ ఉంది చేస్తానంది, చేసింది మేం చేపించాం అని ఆయన స్పష్టం చేశారు. నిజంగా ఆ విషయంలో తన ఇన్వాల్మెంట్ ఏమీ లేదని ఆయన కరాఖండిగా చెప్పారు.

అదంతా అయిపోయాక కేవలం ఫొటోస్ అన్నీ తీసి దగ్గర పెట్టుకొని, రిలీజ్‌ అప్పుడు ప్లే చేశానని, ముందే చెప్తే అల్లరి చేస్తారని డీఎస్ రావు వివరించారు. కనీసం ఆ అమ్మాయికి కూడా ఆ ఫొటోస్ ఇవ్వలేదని ఆయన చెప్పారు. లేదంటే ఆ ఫొటో వద్దు, ఈ ఫొటో వద్దు అని ఏదో చెప్తారని అలా చేయలేదని ఆయన తెలిపారు. అదొక్కటే తాను బిజినెస్ యాంగిల్‌లో చేయలేదని ఆయన స్పష్టం చేశారు. అప్పట్లో ఆ సినిమాకు మంచి ఓపెనింగ్ వచ్చిందని ఆయన అన్నారు