ఇలియానా అడ్వాన్స్ తీసుకొని.. డేట్స్ ఇవ్వలేదు అందుకే అవకాశాలు రావట్లేదు: కాట్రగడ్డ ప్రసాద్

సినిమా ఇండస్ట్రీలో ఎంతో మంది స్టార్ హీరోల సినిమాలను నిర్మించిన నిర్మాతగా కాట్రగడ్డ ప్రసాద్ ను చెప్పుకోవచ్చు. ఈయన అప్పట్లో ఎన్టీఆర్, ఏఎన్ఆర్ సినిమాలకు కూడా నిర్మాతగా వ్యవహరించారు. కేవలం తెలుగు మాత్రమే కాకుండా దక్షిణాది సినిమా ఇండస్ట్రీలో ఎంతో గొప్ప పేరు ప్రఖ్యాతులు సంపాదించుకున్నారు కాట్రగడ్డ ప్రసాద్. తాజాగా ఆయన ఓ ఇంటర్వ్యూ పాల్గొని పలు ఆసక్తికరమైన విషయాలను తెలియ జేశారు.

సినిమా ఇండస్ట్రీలో ఎంతో మంది నిర్మాతలు కథపై ఉన్న నమ్మకంతో సినిమాలను తెరకెక్కిస్తారు. అయితే కొందరు నిర్మాతలు తీవ్రంగా నష్టపోయి ఎంతో దయనీయ పరిస్థితులలో ఉంటారు. అయితే ఇలాంటి నిర్మాతలను హీరోలు ఆదుకోవాలని ఈ సందర్భంగా ప్రసాద్ హీరోలను కోరారు. సినిమాలలో నష్ట పోవడమేకాకుండా కొందరు నిర్మాతల దగ్గర డబ్బులు తీసుకుని సినిమాలకు డేట్లు ఇవ్వకుండా తిరుగుతుంటారని తెలిపారు.

ఇలాంటి వారి విషయాలకు వస్తే ఉదాహరణకు ఇలియానను చెప్పవచ్చు. ఈమె ఒక నిర్మాత దగ్గర అడ్వాన్స్ తీసుకొని ఆ నిర్మాతకు డేట్స్ ఇవ్వకుండా మోసం చేశారని తెలియజేశారు. అయితే ఈమె తీసుకున్న అడ్వాన్స్ వెనక్కి ఇవ్వాలి, లేదా ఆ నిర్మాతకు డేట్స్ అయినా ఇవ్వాలి. అలా కుదరని పక్షంలో ఎవరు కూడా సినిమాలు ఇవ్వకూడదని దక్షిణాది ఇండస్ట్రీలోని అందరూ నిర్ణయించుకున్నారు.

ఈ విధంగా నిర్మాతలందరూ నిర్ణయం తీసుకోవటం వల్ల ఆమెకు ఇప్పటివరకు ఇండస్ట్రీలో సినిమా అవకాశాలు రాలేదని ఈ సందర్భంగా కాట్రగడ్డ ప్రసాద్ తెలియజేశారు. ఇలా నిర్మాతల దగ్గర డబ్బులు తీసుకొని డేట్స్ ఇవ్వకుండా, డబ్బులను వెనక్కి తిరిగి ఇచ్చిన వారు ఎంతో మంది ఉన్నారని ఈ సందర్భంగా తన సినీ అనుభవాలను పంచుకున్నారు.