Samuthirakani సర్కారీ వారి పాట సినిమాలో నటించడం అదృష్టం.. మహేష్ బాబుకి కృతజ్ఞతలు: సముద్రఖని

Samuthirakani: సముద్రఖని నటుడిగా దర్శకుడిగా ఎంతో మంచి పేరు సంపాదించుకున్నారు. ఈయన అలా వైకుంఠపురం సినిమా ద్వార తెలుగు ప్రేక్షకులకు పరిచయమై క్రాక్ సినిమాతో మంచి గుర్తింపు పొందారు. ఈ విధంగా క్రాక్ సినిమా మంచి విజయం అందుకోవడం తో ఆయనకు వరుస తెలుగు సినిమా అవకాశాలు వస్తున్నాయి.ఈ క్రమంలోనే తాజాగా ఆయన నటించిన సర్కారీ వారి పాట సినిమా మంచి విజయాన్ని అందుకుంది.

ఈ క్రమంలోనే ఒక యూట్యూబ్ ఛానల్ ఇంటర్వ్యూలో పాల్గొన్న సముద్రకని ఈ సినిమా గురించి మహేష్ బాబు గురించి ఎంతో అద్భుతంగా మాట్లాడుతూ చేసిన వ్యాఖ్యలు ప్రస్తుతం సోషల్ మీడియాలో వైరల్ అయ్యాయి. ఈ సందర్భంగా ఆయన మాట్లాడుతూ ముందుగా డైరెక్టర్ పరుశురామ్, హీరో మహేష్ బాబుకు ప్రత్యేక కృతజ్ఞతలు తెలిపారు.

ఈ సినిమా కోసం డైరెక్టర్ ఎంతోమంది స్టార్ సెలబ్రిటీలను సంపాదించినప్పటికీ మహేష్ బాబు ప్రత్యేకంగా ఈ పాత్రలో తానే నటించాలని చెప్పడంతో డైరెక్టర్ పరుశురామ్ సముద్రకనినీ సంప్రదించి ఈ సినిమాకి తీసుకున్నారు.ఈ విషయం గురించి సముద్రఖని మాట్లాడుతూ అలా ఒక స్టార్ హీరో నోటిలో నా పేరు ఉండడం నిజంగా నా అదృష్టం.

ఇలాంటి సినిమాలు సొసైటీ అవసరం…

అలాంటి స్టార్ హీరో స్వయంగా నా పేరును తీసుకు రావడం చాలా సంతోషంగా ఉంది. మహేష్ బాబు స్వయంగా నా పేరు చెప్పడం డైరెక్టర్ వచ్చి తనకు కథ వినిపించడం నాకు చాలా ఎక్సైటింగ్ గా ఉంది. ఇలాంటి సినిమాలు తప్పకుండా రావాలి సొసైటీకి ఇలాంటి సినిమాలు అవసరమని సముద్రకని ఈ సందర్భంగా వెల్లడించారు.ఇక నాకు ఎప్పటినుంచో మహేష్ బాబు అంటే ఇష్టం అని ఆయన నటించిన మురారి సినిమా ఎన్ని సార్లు చూశానో నాకే తెలియదు అంటూ సముద్రఖని వెల్లడించారు.మహేష్ బాబు నటించిన సినిమాలో తనకు మురారి, మహర్షి, భరత్ అనే నేను సినిమాలు అంటే ఎంతో ఇష్టమని సినిమాలకు ఎన్నిసార్లు వెళ్లానో తాను కేవలం మహేష్ బాబుని చూస్తూ ఉండిపోతానని ఈ సందర్భంగా మహేష్ గురించి ఈ సందర్భంగా తెలియజేశారు.