Imandi Ramarao : అల్లు రామలింగయ్య గారి మూడో కొడుకు ఎలా చనిపోయాడంటే… కొడుకు చనిపోయాక ఆయన రియాక్షన్ చూసి అందరూ షాక్ : ఇమంది రామారావు

Imandi Ramarao : 1000 కి పైగా సినిమాలలో నటించిన అల్లు రామలింగయ్య గారు హాస్య ప్రధాన పాత్రలే కాకుండా క్యారెక్టర్ ఆర్టిస్ట్ గా కూడా మెప్పించారు. అయితే ఆయన సినిమా రంగంలోకి రాక మునుపు హోమియోపతి డాక్టర్, అలాగే స్వాతంత్ర సమరయోధుడు. నాటకాల మీద మక్కువతో అలా సినిమా రంగంలోకి వచ్చిన ఆయన అనేక సినిమాల్లో హాస్యప్రధాన పాత్రల్లో నటించారు. 2004 లో ఆయన మరణించే వరకు ఆయన సినిమాల్లో నటించారు. ఇటీవలే అల్లు రామలింగయ్య గారి కుటుంబం ఆయన శత జయంతి వేడుకలను ఘనంగా నిర్వహించారు. ఈ సందర్బంగా ఆయన గురించి ఒక ఇంటర్వ్యూలో సీనియర్ జర్నలిస్ట్ ఇమంది రామరావు గారు ఆయన గురించి ఆసక్తికర విషయాలను తెలిపారు.

కొడుకు చనిపోతే ఆయన రియాక్షన్…

అల్లు రామలింగయ్య గారి కూతురు సురేఖ ను మెగాస్టార్ చిరంజీవి కి ఇచ్చి వివాహం చేసిన సంగతి అందరికీ తెలుసు. ఇక ఆయన కుమారుడు అల్లు అరవింద్ ప్రొడ్యూసర్ గా గీత ఆర్ట్స్ సంస్థ ద్వారా సినిమాలను తీస్తున్నారు. అలా అంచలంచెలుగా ఆయన తన వ్యాపారాలను పెంచి ఇప్పుడు అల్లు స్టూడియోస్ కూడా నిర్మిస్తున్నారు. మరోవైపు ఆన్ లైన్ ప్లాట్ ఫామ్ ఆహా ఒరిజినల్స్ కూడా సక్సెస్ అయింది. ఇలా అల్లు కుటుంబం నుండి హీరో గా వచ్చిన అల్లు అర్జున్ అగ్ర హీరోల్లో ఒకడిగా ఉన్నారు. అల్లు రామలింగయ్య గారిది మహోన్నత వ్యక్తిత్వం అంటూ సీనియర్ జర్నలిస్ట్ ఇమంది గారు అన్నారు. ఆయన హోమియో డాక్టర్ గా సేవలందిస్తూ నాటకాలు వేసేవారని అలా సినిమాల్లోకి వచ్చారని చెప్పారు.

ఇక హాస్య ప్రధాన పాత్రల్లో నటించిన ఆయన ఎంత ధైర్యవంతుడు అనే విషయం ఆయన మూడో కుమారుడు మరణించినపుడే తెలిసింది. అల్లు రామలింగయ్య గారి మూడో అబ్బాయి ట్రైన్ ప్రయాణం చేస్తూ తల ఎలక్ట్రిక్ పోల్ కి తగిలి అక్కడికక్కడే మరణించారు. అలా హాటాత్తుగా కొడుకు మరణించినా అల్లు రామలింగయ్య గారు చాలా ధైర్యంగా కుటుంబాన్ని ఓదార్చారు. వాడికి కాలం తీరిపోయింది మరణించాడు అని చెప్పారు చాలా నిబ్బరంగా కుటుంబానికి ధైర్యం చెప్పారు అంటూ ఆయన గురించి ఇమంది గారు తెలిపారు.