అఖండ సినిమాలో బాలయ్య కూతురు బ్యాక్ గ్రౌండ్ ఏంటి..ఆ చిన్నారి ఇండస్ట్రీకి ఎలా వచ్చిందో తెలుసా?

బాలకృష్ణ బోయపాటి శ్రీను కాంబినేషన్లో ఇదివరకే తెరకెక్కిన ఈ సినిమాలో అద్భుతమైన విజయాన్ని అందుకోవడంతో ఈ సినిమాపై ప్రేక్షకుల్లో భారీ అంచనాలు పెట్టుకున్నారు.ప్రేక్షకుల అంచనాలకు అనుగుణంగానే ఈ సినిమా బాక్సాఫీస్ వద్ద అఖండమైన విజయాన్ని అందుకొని కాసుల వర్షం కురిపిస్తోంది.ఈ సినిమా కూడా బ్రహ్మాండమైన విజయాన్ని అందుకోవడంతో వీరిద్దరి కాంబినేషన్ హిట్ కాంబినేషన్ అంటూ పలువురు భావిస్తున్నారు.

ఇక అఖండ సినిమాలో కీలక మలుపు తిరిగే సన్నివేశంలో ఒక చిన్నారి నటించింది. ఈ చిన్నారి వల్ల ఈ సినిమా ఆద్యంతం ప్రేక్షకులకు ఆసక్తిని కలిగిస్తుంది. ఇక ఈ సినిమా విడుదలైన తర్వాత ప్రతి ఒక్కరు ఈ సినిమాలో నటించిన ఆ చిన్నారి ఎవరు? ఆమె బ్యాగ్రౌండ్ ఏమిటి? తనకు ఎలా సినిమా అవకాశాలు వచ్చాయి? అనే విషయం గురించి పెద్ద ఎత్తున వెతకడం మొదలు పెట్టారు.

ఈ సినిమా ప్రీ రిలీజ్ ఈవెంట్ లో భాగంగా దర్శకుడు బోయపాటి శ్రీను మాట్లాడుతూ ఈ సినిమా విడుదలైన తర్వాత ప్రతి ఒక్కరు ఈ బుడ్డ దాని గురించి తెలుసుకుంటారని చెప్పారు.ఆరోజు బోయపాటి శ్రీను చెప్పిన విధంగానే ఈ రోజు ప్రతి ఒక్కరు ఆ చిన్నారి ఎవరు అనే విషయం గురించి ఆరా తీస్తున్నారు. ఇక ఈ చిన్నారి పాత్రలో నటించిన అమ్మాయి పేరు బేబీ దేష్ణ. ఈ చిన్నారి ఎంతో అద్భుతంగా నటిస్తూ మంచి ఆదరణ దక్కించుకుంది.

ఈ సందర్భంగా ఈమె తల్లిదండ్రులు మాట్లాడుతూ మా కూతురికి ఒకేసారి బాలకృష్ణ సినిమాలో నటించే అవకాశం రావడం ఎంతో సంతోషంగా ఉందని తెలిపారు. షూటింగ్ సమయంలో ఆ చిత్ర బృందం మొత్తం తనని వారి కుటుంబ సభ్యులుగా భావించారని చిన్నారి తల్లిదండ్రులు తెలిపారు.ఇక తనకి ఇండస్ట్రీలో అవకాశాలు ఎలా వచ్చాయి అనే విషయానికి వస్తే తన ఫోటోలను తల్లిదండ్రులు ఇంస్టాగ్రామ్ లో పోస్ట్ చేయడం వల్ల ఆ ఫోటోలను చూసిన దర్శకనిర్మాతలు వారిని సంప్రదించి ఆ చిన్నారిని అఖండ సినిమాలో తీసుకున్నారని వెల్లడించారు. మొదటి సినిమానే ఇలా విజయవంతం కావడంతో ప్రస్తుతం తనకు మరిన్ని అవకాశాలు కూడా వస్తున్నాయని తెలిపారు.