అంగరంగ వైభవంగా కత్రినా – విక్కీ కౌశల్ వివాహం.. ఫోటోలు వైరల్!

బాలీవుడ్ ప్రేమపక్షులు కత్రినాకైఫ్ విక్కీ కౌశల్ జంట గురించి గత కొద్దిరోజుల నుంచి సోషల్ మీడియాలో పెద్ద ఎత్తున వార్తలు వస్తున్నాయి.గత కొన్ని సంవత్సరాల నుంచి ప్రేమలో ఉన్న ఈ జంట డిసెంబర్ నెలలో పెళ్లి చేసుకోబోతున్నారు అంటూ సోషల్ మీడియాలో వార్తలు చక్కర్లు కొడుతున్నప్పటికీ వీరి పెళ్లి విషయం గురించి అధికారిక ప్రకటన చేయలేదు. ఒకవైపు పెళ్లి ఏర్పాట్లు జరుగుతూనే ఉన్నాయి కానీ ఈపెళ్లి గురించి ఈ జంట చెప్పక పోవడం విశేషం.

ఇదిలా ఉండగా కత్రినాకైఫ్ విక్కీ కౌశల్ రాజస్థాన్‌లోని సవాయ్ మాధోపూర్‌లోని సిక్స్ సెన్సెస్ ఫోర్ట్ బర్వారాలో చాలా ఘనంగా వీరి వివాహాన్ని జరుపుకున్నారు. ఎంతో కట్టుదిట్టమైన భద్రత సిబ్బంది నేపథ్యంలో వీరి వివాహాన్ని జరుపుకున్నారు.ఇకపోతే కత్రిన వివాహ వేడుకలకు సంబంధించిన ఒక్క ఫోటో కూడా మనకు సోషల్ మీడియాలో లభించలేదు. అందుకు గల కారణం ఈమె తన పెళ్లి వీడియోని మొత్తం ఒక ఓటీటీ సంస్థకు సుమారు వంద కోట్లకు అమ్మినట్లు తెలుస్తోంది.

ఈ క్రమంలోనే ఈమె పెళ్లికి సంబంధించిన ఎలాంటి ఫోటోలు వీడియోలు కానీ ఇంతవరకు బయటకు రాకపోయినా ప్రస్తుతం ఈమె పెళ్లికి సంబంధించిన ఫోటోలు సోషల్ మీడియాలో చక్కర్లు కొడుతున్నాయి. ఈ ఫోటోలలో కత్రినాకైఫ్ విక్కీ కౌశల్ పెళ్లి చూపులలో రాజసం ఉట్టిపడేలా కనిపిస్తున్నారు.ప్రస్తుతం వీరి పెళ్లికి సంబంధించిన ఈ ఫోటోలు సోషల్ మీడియాలో చక్కెర్లు కొట్టడంతో ఎంతోమంది నెటిజనులు ఈ జంటకు శుభాకాంక్షలు తెలియజేస్తున్నారు.

ఇక వీరి పెళ్ళి వీడియోను అమెజాన్ ప్రైమ్ కొనుగోలు చేసినట్లు తెలుస్తోంది.ఈ క్రమంలోనే త్వరలోనే వీరి పెళ్లికి సంబంధించిన వీడియోలను అమెజాన్ ప్రైమ్ ద్వారా స్ట్రీమింగ్ చేయబోతున్నట్లు తెలుస్తోంది.మొత్తానికి పలువురు సిని ప్రముఖులు వ్యాపారవేత్తలు సమక్షంలో కత్రినా విక్కీ కౌశల్ ఒకటి కావడంతో వీరికి అభిమానులు శుభాకాంక్షలు తెలియజేశారు.