రంగస్థలం లిప్‌లాక్ సీన్ వెనుక ఇంత కథ నడిచిందా.. !

యూత్ ను టార్గెట్ చేస్తూ.. ఈ మధ్య సినిమాల్లో ఎక్కువగా లిప్‌లాక్ సీన్ లు పెడుతున్నారు. ఇలాంటి సీన్ లను ట్రైలర్ రూపంలోనో లేదా పోస్టర్ రూపంలోనో విడుదల చేసి సినిమాపై ఎక్కువ అంచనాలను పెంచుతున్నారు దర్శక, నిర్మాతలు. అలా హీరో, హీరోయిన్ మధ్య పోస్టర్ రిలీజ్ చేసి ప్రేక్షకుల్లో ఆసక్తిని రెట్టింపు చేసిన సినిమాలలో రామ్ చరణ్ రంగస్థలం ఒకటి.

దీనిలో హీరో, హీరోయిన్ లుగా రామ్ చరణ్, సమంత నటించిన విషయం తెలిసిందే. విలేజ్ బ్యాక్‌డ్రాప్‌లో సుకుమార్ దర్శకత్వంలో విడుదలైన ఈ సినిమా భారీ కమర్షియల్ సక్సెస్ అందుకుంది. మైత్రీ మూవీ నిర్మాణంలో రూపొందిన ఈ సినిమాకి విమర్శకుల ప్రశంసలతో పాటు అవార్డులు దక్కాయి. చెవిటి వాడిగా చరణ్ నటన ప్రతి ఒక్కరినీ అలరించింది. ఇదిలా ఉండగా.. ఈ సినిమాలో ముద్దు సీన్ పెద్ద హైలెట్ గా నిలిచింది. అప్పుడే నాగచైతన్యతో వివాహం అయిన సమంత.. ఇలాంటి సీన్ ఎలా ఒప్పుకుందనేది కూడా అప్పట్లో పెద్ద హాట్ టాపిక్ గా మారింది.

అయితే ఈ సినిమాను రామ్ చరణ్ కు వివరించే సమయంలో లిప్ లాక్ సీన్ చెప్పాడట. కానీ చరణ్.. ఉపాసాన బాధపడుతుంది.. వద్దు అని అన్నారట. కానీ షూటింగ్ కు వచ్చేసరికి.. రామ్ చరణ్ పెదాలు దగ్గరగా వస్తాయి.. ముద్దు పెట్టే వరకు మీరు వెళ్లండి.. మిగతాది గ్రాఫిక్స్ లో యాడ్ చేద్దాం అని సుకుమార్ సమంతకి చెప్పాడట.

కానీ షాట్ వచ్చేసరికి సమంత.. చరణ్ కు నిజంగానే ముద్దు పెట్టేసిందట. తర్వాత ఈ సీన్ గురించి సుకుమార్ పై చరణ్ అలిగాడట. ఆ తర్వాత లిప్ లాక్ సీన్ యొక్క ప్రాధాన్యతను దృష్టిలో ఉంచుకొని ఆ వివాదం గురించి తర్వాత అందరూ మర్చిపోయరట.