హీరోయిన్ లయ ఇప్పుడు ఎక్కడుంది.. ఏం చేస్తుందో తెలుసా?

సీనియర్ హీరోయిన్ లయ ప్రేక్షకులందరికీ గుర్తుండే ఉంటుంది. తెలుగుఅమ్మాయి అయిన లయ ‘భద్రము కొడుకో’ చిత్రంతో టాలీవుడ్ ఎంట్రీ ఇచ్చినప్పటికీ ‘స్వయం వరం’ సినిమాతో ఈమెకు మంచి పేరొచ్చింది. ఆ తర్వాత వరుస సినిమాలు చేసిన లయ.. మ్యారేజ్ తర్వాత సినిమాలు తగ్గించేసింది. ఇప్పుడు ఆమె ఏం చేస్తుందంటే..

హోమ్లీ హీరోయిన్‌గా గ్లామర్ పాత్రలకు దూరంగా ఉంటూ తనకంటూ ప్రత్యేక గుర్తింపు తెచ్చుకున్న లయ..తెలుగుతో పాటు తమిళ్, మలయాళం, కన్నడ భాషల్లోనూ పలు చిత్రాల్లో నటించింది. అయితే, మ్యారేజ్ తర్వాత మాత్రం లయ సినిమాల్లో పెద్దగా కనిపించలేదు. ఎన్ఆర్ఐని పెళ్లి చేసుకున్న తర్వాత లాస్ ఏంజిల్స్‌లో సెటిల్ అయిన లయ.. ఆమె భర్తతో బిజినెస్ చూసుకుంటుందట. ఇకపోతే చాలా కాలం నుంచి లయ టాలీవుడ్ రీ ఎంట్రీ ఇవ్వబోతుందనే వార్తలొస్తున్నాయి. కానీ, అఫీషియల్ అనౌన్స్‌మెంట్స్ అయితే ఏం రాలేదు.

మాస్ మహారాజ రవితేజ నటించిన ‘అమర్ అక్బర్ ఆంథోని’ చిత్రంలో మాత్రం స్పెషల్ అప్పియరెన్స్ ఇచ్చింది లయ. ఈ క్రమంలోనే తాను మంచి పాత్రలు లభిస్తే తప్పక సినిమాల్లో రీ ఎంట్రీ ఇస్తానని చెప్పకనే చెప్పేసింది లయ. కాగా, ఫుల్ ఫ్లెడ్జ్ క్యారెక్టర్ లభిస్తే తప్పకుండా మూవీస్‌లో రోల్స్ ప్లే చేయడానికి తాను సిద్ధమేనని లయ ఆమె సన్నిహితులతోనూ పేర్కొన్నట్లు సమాచారం. కాగా, డైరెక్టర్స్ కొందరు ఆమెను సంప్రదించే ఆలోచనలో ఉన్నట్లు టాక్.

ఫ్యామిలీ మూవీస్ హీరోయిన్‌గా పేరు తెచ్చుకున్న లయ నటించిన తెలుగు చిత్రాలు అన్ని కూడా దాదాపుగా సూపర్ హిట్ అయ్యాయి. ‘శివరామరాజు, టాటా బిర్లా మధ్యలో లైలా, దేవుళ్లు, మనోహరం, ప్రేమించు, అదిరిందయ్యా చంద్రం, విజయేంద్రప్రసాద్’తో పాటు పలు చిత్రాల్లో లయ కథానాయికగా నటించింది. ఇకపోతే లయ నేషనల్ లెవల్ చెస్ ప్లేయర్ కూడా. ‘స్వయం వరం’ చిత్రంలో లయ పోషించిన పాత్ర చాలా మంది ప్రేక్షకులకు బాగా ఇష్టమైనది. చూడాలి మరి.. లయ ఏ సినిమా ద్వారా టాలీవుడ్ రీ ఎంట్రీ ఇస్తుందో.