1983 మద్రాస్, శారదా స్టూడియో లో రెండు ఫ్లోర్స్ లలో షూటింగ్ నిర్విరామంగా జరుగుతుంది. ఒక ఫ్లోర్ లో చిరంజీవి హీరోగా “సింహపురి సింహం” సినిమా షూటింగ్ జరుగుతుండగా, మరొక ఫ్లోర్ లో విజయశాంతి ప్రధాన పాత్రలో “నేటి భారతం” సినిమా షూటింగ్ జరుగుతోంది. సినిమా షూటింగ్ విరామ సమయంలో చిరంజీవి బయటకు వచ్చారు.ఆ క్రమంలో ఆయనను చూసిన విజయశాంతి చిరంజీవి దగ్గరికి వెళ్లి పలకరించింది. అలా మొదలైన వీరి పరిచయం అనతికాలంలోనే వీరి కలయికలో ఓ సినిమా పట్టాలెక్కింది.
“పెళ్లి చూపులు” చిత్రంలో విజయశాంతిని చూసిన డి.రామానాయుడు చిరంజీవితో తాను తీయబోతున్న సంఘర్షణ చిత్రంలో హీరోయిన్ గా విజయశాంతిని తీసుకున్నారు. అలా వీరిద్దరి కాంబినేషన్ లో వచ్చిన సంఘర్షణ చిత్రం మంచి విజయాన్ని సాధించింది. ఆ తర్వాత వీరిద్దరి కలయికలో రెండవ సినిమా.. నారాయణ రావు నిర్మాతగా, ఎస్.ఏ.చంద్రశేఖర్ దర్శకత్వంలో “దేవాంతకుడు” సినిమా వచ్చింది. 3వ, సినిమా మహానగరంలో మాయగాడు, 4వ, సినిమా చాలెంజ్, 5వ, సినిమా చిరంజీవి, 6వ,సినిమా కొండవీటి రాజా, 7వ సినిమా ధైర్యవంతుడు, 8వ సినిమా చాణక్య శపథం, 9వ సినిమా పసివాడి ప్రాణం, 10వ సినిమా స్వయంకృషి, 11 వ సినిమా అత్తకు యముడు అమ్మాయికి మొగుడు, 12వ సినిమా యముడికి మొగుడు, 13వ సినిమా యుద్ధభూమి, 14వ సినిమా మంచి దొంగ, 15వ సినిమా రుద్రనేత్ర, 16వ సినిమా కొండవీటి దొంగ, 17వ సినిమా స్టువర్టుపురం పోలీస్ స్టేషన్, 18వ సినిమా గ్యాంగ్ లీడర్, 19వ సినిమా మెకానిక్ అల్లుడు.
1993లో గీత ఆర్ట్స్,బి.గోపాల్ దర్శకత్వంలో మెకానిక్ అల్లుడు చిత్రం విడుదల అయ్యింది. ఎన్నో అంచనాలతో వచ్చిన ఈ చిత్రం బాక్సాఫీస్ వద్ద పరాజయం పొందింది. హిట్స్ సూపర్ హిట్స్ ఇండస్ట్రీ హిట్స్ వంటి చిత్రాలను అందించిన ఈ జంట.. సంఘర్షణ అనే విజయవంతమైన చిత్రంతో ప్రారంభమై.. మెకానిక్ అల్లుడు సినిమా పరాజయంతో ఇక వీరి కలయికలో ఇప్పటి వరకు మరో చిత్రం రాలేదు. 1990 వరకు చిరంజీవితో అత్యధిక సినిమాల్లో నటించిన హీరోయిన్ గా రాధిక ఉండేవారు.
కానీ ఆ తర్వాత అనూహ్యంగా విజయశాంతి మొదటి స్థానంలోకి వచ్చారు. ఈ మధ్యకాలంలో మహేష్ బాబు నటించిన “సరిలేరు నీకెవ్వరు”అనే చిత్రం “మెగా సూపర్ ఈవెంట్” కి గెస్ట్ గా చిరంజీవి, విజయశాంతి వచ్చారు. చిరంజీవి ఈవెంట్ లో మాట్లాడుతూ.. విజయశాంతి, తను ఎన్నో చిత్రాల్లో కలిసి చేశామని తమ పాతకాల మధురానుభూతులను గుర్తు చేశారు. వీరి కాంబినేషన్ లో మరో సినిమా వస్తుందేమో వేచి చూద్దాం.
ఆంధ్రప్రదేశ్ ముఖ్యమంత్రి నారా చంద్రబాబు నాయుడు, కేంద్ర మంత్రి అశ్విని వైష్ణవ్ కలిసి విశాఖపట్నంలోని సింహాచలం శ్రీ వరాహ లక్ష్మీ…
ఎన్నో, ఎన్నెన్నో అమోఘ గ్రంధాలను రచించి, సంకలనీకరించి, ప్రచురించి లక్షల లక్షల లోగిళ్ళలో మంత్రమయ పరిమళాల్ని నిస్వార్ధంగా వెదజల్లుతూ.. కీర్తికి,…
ఆంధ్రప్రదేశ్లోని అన్నవరం సత్యనారాయణ స్వామి దేవస్థానంలో ప్రతి సంవత్సరం భక్తి ఉత్సాహం నడుమ నిర్వహించే సత్యదేవుని దివ్య కల్యాణ మహోత్సవం…
వేసవి కాలం ప్రారంభమైతే శరీరంలో వేడి పెరగడం సహజం. అయితే అదే సమయంలో చాలా మందిని వేధించే సమస్యలు ఏంటంటే—ఆసిడిటీ,…
ఇంటి నిర్మాణంలో ప్రతి అంశానికి ప్రాధాన్యం ఉన్నట్లే, పూజా గది స్థానం కూడా చాలా ముఖ్యమని నమ్మకం. హిందూ సంప్రదాయంలో…
ధ్యానం, భక్తి, ఆధ్యాత్మిక అనుభవాల గురించి మాట్లాడితే కొన్ని విశేష సంఘటనలు తరచూ వినిపిస్తుంటాయి. ముఖ్యంగా గజ్జెల చప్పుళ్లు వినిపించడం…