ఫ్రభుదెవ: ‘ఇందు’తో పాటు ఎన్ని సినిమాలు చేసినా ప్రభుదేవా కెరీర్‌లో గొప్ప సినిమా ‘ప్రేమికుడు’.. అందుకు కారణాలు ఇవే !!

ప్రముఖ సీనియర్ కొరియోగ్రాఫర్ అయిన సుందరం మాస్టర్ కొడుకులలో ఒకరు కొరియోగ్రాఫర్, డైరెక్టర్ ప్రభుదేవా. తండ్రి మాదిరిగానే ప్రభుదేవా కూడా కొరియోగ్రాఫర్ గానే సౌత్ సినిమా ఇండస్ట్రీలో విపరీతమైన క్రేజ్‌ను సంపాదించుకున్నారు. ఇంకా చెప్పాలంటే ప్రభుదేవాని అందరూ ఇండియన్ మైఖేల్ జాక్సన్ అని పిలుచుకుంటారు. పాప్ సింగర్ కం డాన్సర్ మైఖేల్ జాక్సన్ ని కొన్ని విషయాలలో ప్రభుదేవా ఇన్స్పిరేషన్‌గా తీసుకున్నారు. కెరీర్ ప్రారంభంలో చాలా వరకు ప్రభుదేవా, మైఖేల్ జాక్సన్‌నే ఇమిటేట్ చేసేవారు.

ఇక ఆయన డాన్స్ మాస్టర్‌గా టాలీవుడ్, కోలీవుడ్, బాలీవుడ్‌లో ఎన్నో అద్భుతమైన సాంగ్స్ కంపోజ్ చేశారు. మెగాస్టార్ చిరంజీవి నుంచి యంగ్ హీరోల వరకు చాలామందికి ఆయన డాన్స్ కొరియోగ్రఫీ అందించారు. ఇప్పటికే డాన్స్ మాస్టర్‌గా పలు అవార్డులను అందుకున్నారు. అయితే సాంగ్స్ కంపోజ్ చేస్తూనే జెంటిల్ మేన్ లాంటి సినిమాలలో స్పెషల్ అపీరియన్స్ ఇచ్చి అదరగొట్టాడు. జెంటిల్ మేన్ సినిమాలో చికు బుకు చికు బుకు రైలే ప్రభుదేవాకి ఎంతటి పేరు తెచ్చిందో అందరికీ తెలిసిందే.

ప్రభుదేవా తండ్రి సుందరం మాస్టర్ మాదిరిగా సాంగ్స్‌లో డాన్స్ తో సమానంగా హీరో, హీరోయిన్స్ ఫేస్ ఎక్స్‌ప్రెషన్స్ బాగా ఎలివేట్ అయ్యేలా క్లోజ్ షాట్స్ కంపోజ్ చేస్తారు. దానికి యాక్టింగ్ మీద గ్రిప్ ఉండాలి. అంటే ఒక దర్శకుడిగా కూడా ప్రభుదేవా సత్తా ఉన్నవాడు. అందుకే ఆయన సాంగ్స్ బాగా హిట్ సాధించాయి. అందుకే ప్రభుదేవాని హీరోగా పెట్టి సినిమాలు చేయాలనుకున్నారు దర్శక నిర్మాతలు. ఈ క్రమంలోనే ఇందు అనే సినిమా మొదలైంది. అలాగే క్రియేటివ్ జీనియస్ శంకర్ దర్శకత్వంలో కాదలన్ తెలుగులో ప్రేమికుడుగా వచ్చింది.  

అయితే ఇందు సినిమా ప్రేమికుడు కంటే ముందు రిలీజై ప్రేక్షకులను తీవ్రంగా నిరాశపరచింది. హీరోగా ప్రభుదేవా డెబ్యూ సినిమా ఫ్లాపయ్యే సరికి అటు కోలీవుడ్‌లో ఇటు టాలీవుడ్‌లో డాన్స్ మాస్టర్ హీరో అయితే ఇలాంటి సినిమానే తయారవుతుందని కామెంట్స్ చేశారు. చెప్పాలంటే సినీ విమర్శకులు కూడా ఇలాంటి కామెంట్స్ చేశారు. దాంతో ఇక ప్రభుదేవా హీరోగా పనికిరాడు, డాన్స్ కొరియోగ్రఫీ చేసుకుంటూ కంటిన్యూ కావాల్సిందే అని మాట్లాడుకున్నారు. అయితే ఇందు సినిమా 1994 ఏప్రిల్‌లో రిలీజైతే అదే ఏడాది సెప్టెంబర్‌లో కాదలన్ ( ప్రేమికుడు ) రిలీజైంది.

మొదటిరోజు మొదటి షో నుంచే ప్రేమికుడు సినిమా ప్రేక్షకులను విపరీతంగా ఆకట్టుకొని హిట్ టాక్ తెచ్చుకుంది. ముఖ్యంగా లవర్స్ ని ప్రేమికుడు ఎంతగానో ఆకట్టుకుంది. ఏ.ఆర్.రెహమాన్ అందించిన సంగీతం పెద్ద హిట్ అయింది. ఇందు సినిమాతో హీరోగా పనికిరాడని కామెంట్ చేసిన వారే మాట మార్చి ప్రభుదేవా సూపర్ హీరో అని పొగిడారు. నగ్మా హీరోయిన్‌గా నటించింది. కథ, కథనం తో పాటు ప్రేమికుడు సినిమాలోని ప్రతీ పాట ఓ సూపర్ విజువల్ ట్రీట్‌గా నిలిచింది. ముక్కాలా ముక్కాబుల, అందమైన ప్రేమరాణి, ఓ చెలియా నా ప్రియ సఖియా, ఊర్వశీ ఊర్వశీ, మండ పేట ..ఇలా అన్నీ సాంగ్స్ సూపర్ హిట్ అయ్యాయి.

దాంతో ప్రేమికుడు బాక్సాఫీస్ వద్ద భారీ కమర్షియల్ హిట్ గా నిలిచింది. అప్పటి నుంచి ప్రభుదేవా హీరోగా ఎన్ని సినిమాలు చేసినా ముందు చెప్పుకునేది మాత్రం ప్రేమికుడు సినిమా గురించే. ఆ తర్వాత ఆయన కొన్ని సినిమాలలో మంచి సపోర్టింగ్ రోల్స్ చేశారు. ఇప్పుడు దర్శకుడిగా అటు బాలీవుడ్‌లో బిజీగా ఉంటూనే హీరోగా సినిమాలు చేస్తున్నారు. దర్శకుడిగా బిజీగా ఉన్నా, హీరోగా బిజీగా ఉన్నా తన కొరియోగ్రఫీ మాత్రం వదులుకోలేదు. ఖైదీ నంబర్ 150లో మెగాస్టార్‌కి ఒక సాంగ్ కంపోజ్ చేశారు. ఇక ధనుష్ – సాయి పల్లవి జంటగా నటించిన మారి 2 లోని ప్రభుదేవా కొరియోగ్రఫీ అందించిన రౌడీ బేబీ సాంగ్ సరికొత్త రికార్డ్స్ క్రియేట్ చేసింది.