తమిళంలో 1991,పి.వాసు దర్శకత్వంలో వచ్చిన ”చిన్నతంబి”చిత్రంలో ప్రభు, ఖుష్బూ హీరో హీరోయిన్లుగా నటించారు. పూర్తిగా గ్రామీణ వాతావరణం కథతో కూడిన సినిమా అవడంతో “చిన్నతంబీ” సూపర్ డూపర్ హిట్ అయింది. తమిళ “చిన్నతంబి” సినిమాని తెలుగు దర్శక, నిర్మాతలు అనేక మంది చూశారు. ఆ సినిమాని బాలకృష్ణ హీరోగా సినిమా రీమేక్ చేద్దామనుకున్నారు. కానీ ఇదివరకే ఆ సినిమా రీమేక్ హక్కుల్ని క్రియేటివ్ కమర్షియల్ అధినేత కె.ఎస్.రామారావు ఆ చిత్రాన్ని కొని సినిమా షూటింగ్ కూడా ప్రారంభించారు. ఆ విషయం తెలుసుకున్న బాలకృష్ణ మరో సినిమాకు కమిటయ్యారు.
కె.ఎస్.రామారావు ఒక దశలో రాజేంద్రప్రసాద్ ను హీరోగా తీసుకుంటే ఎలా ఉంటుంది అని కూడా ఆలోచించారు. కానీ తెరవెనుక ఏం జరిగిందో కానీ రాజేంద్రప్రసాద్ స్థానంలోకి విక్టరీ వెంకటేష్ వచ్చారు. కె.ఎస్.రామారావు ఈ సినిమాకు దర్శకుడిగా రవిరాజా పినిశెట్టిని ఎన్నుకున్నారు. రవిరాజా పినిశెట్టి తాను పెరిగిన గ్రామంలో ఒక వ్యక్తిని చంటి అని పిలిచేవారు. అలాగే ఈ సినిమాకి కూడా రవిరాజా పినిశెట్టి చంటి అని పేరు పెట్టారు. విదేశాల్లో చదువుకొని వచ్చిన వెంకటేష్ ఇలాంటి పల్లెటూరి అమాయకపు పాత్రలో నటించడం కష్టం అనుకున్నారు. కానీ తమిళ చిన్న తంబీ సినిమాని చూసిన వెంకటేష్ ఆ సినిమాని తెలుగులో చేస్తానని కె.ఎస్.రామారావుకి మాట ఇవ్వడం జరిగింది. తెలుగులో చిన్నతంబీ రీమేక్ చేయడానికి దాదాపు చాలా మంది హీరోలు ప్రయత్నం చేసినప్పటికీ చివరికి హీరో వెంకటేష్ నటించారు.
వెంకటేష్ తల్లిగా సుజాత, జమీందారుగా నాజర్, దివాణంలో బ్రహ్మానందం హాస్యం సినిమా విజయానికి తమ వంతు పాత్రను పోషించారు. ఇళయరాజా స్వరపరచిన పాటలు అద్భుతంగా నిలిచాయని చెప్పవచ్చు. “ఎన్నెన్నో అందాలు ఏవేవో రాగాలు”… “అన్నుల మిన్నుల అమ్మడికన్నులు”.., “పావురానికి పంజరానికి పెళ్లిచేసే పాడు లోకం” పాటలు ఆనాడు గ్రామాల్లో జరిగే పెళ్లి వేడుకల్లో ఎక్కువగా వినిపించాయి. ఒక విధంగా చెప్పాలంటే సినిమా ఘన విజయానికి ఈ పాటలు ఎంతగానో దోహదపడ్డాయి…
హీరో రాజశేఖర్ కూడా చిన్న తంబీ తెలుగులో రీమేక్ చేద్దామని ప్రయత్నించినవారిలో ఒకరని చెప్పవచ్చు. అది మిస్ కావడం.. పైగా ఘన విజయం సాధించడంతో అలాంటి సినిమానే తీయాలనుకున్నారు. అలా క్రాంతి కుమార్ దర్శకత్వం వహించిన “అమ్మ కొడుకు” సినిమాలో రాజశేఖర్, ఆమనీ, సుకన్య హీరో హీరోయిన్లుగా నటించారు. శ్రీవిద్య ఒక ప్రధాన పాత్రలో నటించారు. ఇళయరాజా సంగీత దర్శకత్వం వహించారు. చంటి సినిమా కి అద్భుతమైన పాటలు స్వరపరిచిన ఇళయరాజా అమ్మ కొడుకు చిత్రానికి అలాంటి పాటలు ఇవ్వలేకపోయాడు. “కోవెల గంటలు ఏమన్నాయో” అనే పాట తప్ప మిగతా పాటలన్నీ ప్రేక్షకులను మెప్పించలేక పోయాయి. 1993 లో వచ్చిన అమ్మ కొడుకు చిత్రం బాక్సాఫీస్ వద్ద ఘోర పరాజయాన్ని చవిచూసింది.
హైదరాబాద్, జూన్ 20: నిర్మొహమాటంగా నికార్సుగా చెప్పాల్సి వస్తే తెలుగు రాష్ట్రాల్లో నిస్వార్ధ సేవకు నిలువెత్తు అక్షరంగా ప్రతిభతో, ప్రజ్ఞతో,…
వంట చేయడం ఒక కళ. అందులో రుచి రావాలంటే ఉప్పు, కారం, మసాలాలు అన్నీ సరైన మోతాదులో ఉండాలి. అయితే…
ఒకప్పుడు వెన్నునొప్పి, మెడ నొప్పి, వెన్నెముక సమస్యలు అంటే 50 ఏళ్లు దాటిన వారిలోనే ఎక్కువగా కనిపించేవి. వయసు పెరగడం,…
వైద్య శాస్త్రం రోజురోజుకూ కొత్త మైలురాళ్లు చేరుకుంటోంది. ఒకప్పుడు నయం చేయలేని వ్యాధులకు మందులు కనుగొన్న శాస్త్రవేత్తలు ఇప్పుడు వ్యాధులు…
ఈ రోజుల్లో చిన్నవాళ్ల నుంచి పెద్దవాళ్ల వరకు చాలా మందిని వేధిస్తున్న సమస్యల్లో అధిక బరువు ఒకటి. పని ఒత్తిడి,…
సినిమా అంటే అంకితభావం. పాత్ర అంటే బాధ్యత. ప్రేక్షకుల ముందు కనిపించే ప్రతి సన్నివేశం పరిపూర్ణంగా ఉండాలనే తపన. ఇవన్నీ…