‘మీ బతుకులు చెడ అంటూ’ హైపర్ ఆది ట్వీట్.. ఎందుకంటే..

శుక్రవారం రాత్రి మెగా హీరో సాయి ధరమ్ తేజ్ ప్రమాదానికి గురై ఆసుపత్రిలో చికిత్స తీసుకుంటున్న విషయం తెలిసిందే. అయితే అతడి ప్రమాదానికి గురించి ఎన్నో వార్తలు బయటకు వచ్చాయి. బైక్ రేసింగ్ కారణంగానే ఇలా జరిగి ఉంటుందని వార్తలు రాగా.. దానిని పోలీసులు ఖండించిన విషయం తెలిసిందే. నిజనిజాలు తెలుసుకోకుండా వార్తలను న్యూస్ ఛానల్లో ప్రసారం చేయడంపై అటు అభిమానులు, ఇటు నెటిజన్లు కూడా మండిపడుతున్నారు.

గత రెండు రోజుల నుంచి మీడియా అంతా ఆ మెగా హీరో చుట్టే తిరుగుతోంది. అతడు బైక్ నడుపుతున్న సమయంలో 300 కిలోమీటర్ల వేగంతో నడిపారంటూ.. వార్తలు కూడా వచ్చాయి. కానీ అంత స్పీడ్ గా వెళ్లే రోడ్లుగానీ.. అంత అవకాశం గానీ హైదరాబాద్ లో లేవు. కానీ ఇష్టం వచ్చినట్లు ప్రసారం చేస్తున్నారంటూ ఆగ్రహం వ్యక్తం చేస్తున్నారు. ఇదిలా ఉండగా.. దీనిపై జబర్దస్త్ హైపర్ ఆది ట్విట్టర్ లో సాయి ధరమ్ తేజ్ ఆరోగ్యంపై విచారం వ్యక్తం చేశారు.

అన్నా.. నిన్ను అలా చూస్తుంటే ఏడుపు వస్తుంది.. అంటూ ఎమోషనల్ ట్వీట్ చేశారు. తన బాధను సోషల్ మీడియాలో అభిమానులతో పంచుకున్నారు హైపర్ ఆది. దీంతో పాటు మీడియాలో తప్పుడు కథనాలపై కూడా తన రేంజ్ లో విరుచుకుపడ్డాడు.. తప్పుడు ప్రసారం, ప్రచారాలు చేయడం వల్ల నిజాలను చెప్పినా.. మున్ముందు నమ్మే స్థితిలో ఉండరని అన్నారు.

హైదరాబాద్ రోడ్లపై సూపర్ మాన్, బ్యాట్ మాన్ కూడా అంత స్పీడ్‌తో వెళ్ళలేడు.. మీరు ఎక్కడ దొరికారురా మాకు.. మీ బతుకులు చెడ అంటూ ట్వీట్ చేశాడు హైపర్ ఆది. అతడు తెలుగు మీడియాపై తప్పుడు వార్తలు చెబుతున్నారంటూ.. ట్వీట్ చేయడంతో నెటిజన్లు కూడా అతడికి సపోర్టు పలికారు.